1. مرحبا بكم في أسواق ستي أكبر المواقع التجارية شعبية
    إستبعاد الملاحظة

محااآدثة مسنجر تبكي من لايبكي

الكاتب: $$_ الأمــير _$$, بتاريخ ‏14 نوفمبر 2010.

  1. $$_ الأمــير _$$

    $$_ الأمــير _$$ تاجر محترف

    إنضم إلينا في:
    ‏21 فبراير 2010
    المشاركات:
    2,942
    الإعجابات المتلقاة:
    0

    بسم الله الرحمن الرحيم

    يارب يارب احسن خواتمنا
    شي يخلي الواحد يبكي

    السآعه 4 الفجر ..يوم الاربعاء جآلسة على النت سهرانه وصوت ضحكي مآلي بيتنا الي كل الي فيه نايمين الا انا ..
    فآتحه المسن الي اربع وعشرين ساعه عليه .. فجأه دخلت ساره ..
    ساره..اهليين دنو شخبارك؟

    دانه..
    هلا والله سوير

    :ساره
    دانه طفشانه.؟؟

    :دانه
    لآ عادي ليه؟

    :ساره
    بسوي لك انفايت مع هذاك الي قلت لك عنه

    :دانه
    مين ياسر؟

    :ساره
    هههههههههه لآ ياسر خلاص راح الغبي هذا نوآف الخاقوق

    :دانه
    ههههههه هذاك المملوح الابيضاني
    :سآره

    بالظظظظبط

    :دانه
    امانه شلون جبتي ايميله ..
    :ساره
    مره حطه بالنت لوق حقه ولطشته

    :دانه
    سويت له اد بالنت لوق ابغاه يصير من فرنديني عيا يقبل يالله يالله سوي انفايت خل اخليه يقبل
    :ساره
    اوك

    **
    :ساره
    نوآف هذي دنو ..دنو هذا نواف

    :نواف
    يآ هلا والله بدنو
    :دانه
    هلا بك اكثر

    ..

    مرت الساعه وحنا سواليف وضحك وحش وشوي شي مشفر
    ..

    :دانه
    يوه اذن مالي خلق اروح المدرسه
    :نواف
    غييبي ..خل نكمل سوالف مره انتي كيوت

    :دانه
    وانتي سوير ؟
    :ساره
    تصدقين انا نفسي اغيب
    :دانه
    اجل برب اسكر الباب عشان ما يزعجوني ..وه يا حلوك يا نواف انت وسواليفك
    ..
    جلسنا تقريبا نسولف لين الساعه 7
    ..
    :دآنه
    يوه خلاص دخت بقوم انام ..نواف نور المسن
    :نواف
    بوجودك قلبو


    :دانه

    ..
    انسدحت على السرير وانا دايخه ..غمضت عيوني وفكرت بنواف الحلو اضفته اليوم بدل عمر الفاشل خخخخ سوالفه حلوه ..اوه ما صليت الفجر بررد مالي خلق اتوضى .. صح النائم حتى يستيقظ ..!! لا قمت ان شالله بصلي
    ..
    السآعه9 ونص قمت من صوت مسج الجوال يوه من وقته هذا يرسل اللحين .. فتحت الجوال كانت من ساره تقول فيها" بسرعه ادخلي في هوشه "بالمسن
    تحمست بسرعه وفتحت لاب توبي وايميلي ما امداني دخلت الا ساره دخلتني انفايت فيه ناس كثار وفهمت من ساره السالفه بمحادثه ثانيه واستهبلت وانا اتهاوش لييين روقت .. خلصت الهوشه بعد ضحك طويل واعتذار احد الشباب مع انه ما غلط .. فتحت النت لوق حقي لو احط صورة فمي بس محد عارفني !! فكره والله شبابنا يخقون على طرف عبايه وانا خلقه اهبل خخخ نزلت صورة فمي وقمت من على الجهاز وبدلت بجامتي وتوضيت وصليت الفجر الساعه 9 ونص .!!
    رجعت للاب توبي وانا فيني نوم بس شفت نواف داخل جلست اسولف معه شوي .. فجأه كل شي بدا يجمد فيني الدنيا بدت تظلم كل شي ظلام وش صار ..الاب توب فوقي وكأني نايمه بعمق ما اسمع الا صوت المحادثه بس

    :ساره

    دانه وينك؟

    :نواف
    وين رحتي دانه
    *اشارة تنبيه*
    :ساره
    شكلها انشغلت المهم كمل السالفه
    ..
    كل شي ظلام ابي اتحرك ابي اقوم .. لا ميته انا اللحين ..ياربي رجعني بس بصلي ركعتين ..ربي رجعني بس بعيد صلاتي زين ..وصورتي الي تو نزلتها !! ونواف وعمر ومشاري وسعود الي في ايميلي؟ والفيس بوك ؟ ياربي رجعني يارب

    مر الوقت طويل وانا بس اسمع مصوت المحادثه
    الباب يطق انفتح اسمع الخدامه تاتي تنادي بأسمي وانا ما ارد جلست تصرخ وتنادي بأمي ..لا انا اسمع تعالي يا تاتي تعالي بس بقول اسف على الصراخ الي تاخذينه مني كل يوم تاتي بس حلليني ياربي قومني بس تحللني
    دخلت امي وقرب الصوت لعندي اكثر

    امي..
    دانه.. دانه حبيبيتي دانه ..لاااااا دانه قومي تكفين دآنه
    ..
    يا ماما شلون ارد تكفين ماما ابي اقوم ليتي سمعت بنصحتك يوم قلتي لي اتغطى ليتني سمعت منك يوم قلتي لي يكفي اغاني

    أغاني..!!
    انا مت .. والاغاني الي حملتها بالاي بود وتوزعت على كل الناس والاغاني الي ارسلتها لكل الناس .. ياربي رجعني اصلي ركعتين يارب
    شالوا الاب توب مني وغطوني بشرشف الصلاه بعد ما انهارت امي
    مر الوقت ببطئ ودخل اخوي معاه ابوي يبكون شايلني اخوي وابوي وراه يبكي

    اخوي ؟
    والسهر ايام الاجازه بالملحق والرقص ؟ واستهبالك على البنات الي اعطيك رقمهم يارب رجعني يارب بس اصلي ركعتين
    ركبت السياره ورا وانا ملفوفه بعبايتي الي كلها الوان وزخرفه وصلت المستشفى وانا اسمع صوت نفس اخوي وازعاج ناس حولي ..
    رفع الدكتور راسه بعد ما غطاني بشرشف ابيض وقال:
    تشخيص الحاله .. موت سكته قلبيه مفاجئه
    سمعت نوحة ابوي وشهقة اخوي


    :ابوي
    لااااا حول ولا قوة الا بالله لااا حول ولا قوة الا بالله

    :اخوي
    يبه قل لا اله الا الله قل لا الله الا الله البكا ما ييفيد شي
    ..
    دخلوني ثلاجة الموتي بعد ما غطوني بالكامل الا راسي وملفوفه بقماش ابيض ..
    مر الوقت وكل شي ظلام وهدوء
    ياربي رجعني اصلي ركعتين بس يارب
    شوي سمعت صوت الثلاجه تنفتح طلعوني بعد غطوني بالكامل وركبوني سياره الاسعاف وانا اسمع اذان صلاة الظهر
    ..
    يارب رجعني بس اصلي الظهر بس اصلي بوقتها يارب ..ليتني كنت اصلي بوقتها ليتني لما اسمع الاذان اترك كل شي حولي واقوم اصلي ليت
    ..
    دخلت غرفة وانا اسمع صوت حريم غسلوني بمويه بارده وحطوا علي بعض الاشياء وقسمت شعري اربع اقسام بعد ما غسلته وجدلتهم بس من قصره ما قدرت تسوي شي وانا اسمع الي تغسلني تدعي لي دخلوا ناس علي ..هذا صوت امي تبكي وتمسكني ..
    هذا صوت اختي الي ياما وياما تهاوشت معها ..
    خآلاتي ..
    بنت خالتي لينا
    ايام الاستهبال على الشباب بالارقام والحش بكل خلق الله
    هذي لمياء
    ايام ما كانت تنصحنا لا علينا المسجل على الاخير ونعاندها نزيد الصوت
    هذي مرت خالي احمد
    لما كانت تربط على خصري وتعلمني كيف ارقص
    وهذي وهذا وهذيك وذاك محد منهم راح ينفعني اللحين يارب رجعني اصلي ركعتين يارب
    وصلنا المسجد وحطوني قدام المصلين وانا اسمع الامام يقول
    "الصلااة على الميت يرحمكم الله "
    بدوا يصلون علي واسمع شهقات اخواني واهلي ..خلصت الصلاه والكل قام يعزي
    :عظم الله اجرك يابو فلان"
    "الله يرحمها ويخلف على شبابها بالجنه"
    وهمهمات ابوي واخواني من البكي ما ينسمع وش يقولون ..يارب رجعني لو استغفر بس
    دخلوني في سيارة الاسعاف وصلنا المقبره وشالوني كثار واسمع اصوات رجال كثار والمميز بينهم شهقات اخواني الصغار الي كنت اعلمهم يحفظون بعض مقاطع الاغاني .. يارب رجعني استغفر بس
    شالوني واسمع دعاء الكل ..شالني اخوي وحطني في حفره ضيقه
    تكفى يا اخوي انا اختك الي ياما وياما استهبلنا اخر الليل لا تروح تخليني في ذا الحفره
    فتحو وجهي وطلع يديني وحط الحجر والتبن واللبن ودفنوني والكل يدعي
    "الله يرحمها بواسع رحمته يارب"
    "الله يخلف على شبابها بالجنه"
    "الله يرحمها ويصبركم "
    "اللهم بدلها بأهل غير اهلها واغسلها من الذنوب والخطايا"
    هذا صوت خالي احمد
    هذا صوت عمي سلطان الي كان يعلمني كيف اشرب الزقاره بالخش والدس وبعدها ما شربت
    هذا صوت ولد عمي ثامر
    ايام المراهقه كنا سوا
    هذا صوت وهذا صوت وهذا صوت .. وش يفيدني اللحين
    راحوا وانا اسمع صوت رجولهم لا تروحون وتخلوني لا
    وصوري بالنت لوق ؟! وكل شي سويته ؟!الاغاني؟ وتأخير الصلاه ليتني ارجع .. كنت احسب ان دنياي طويله وامني نفسي اني لسا صغيره على الموت
    والبنات الي بالمدرسه؟ الي ما بقى احد ما حشيت فيه بيسامحوني ؟ معلماتي الي كلهم هبلت فيهم وتحسبوا علي بيحللوني ؟ ذنوبي كلها وش اسوي بها
    يارب ارحمني يارب
    **
    بالعزا
    **
    صيآح ونياح وازعاج الكل يترحم علي قسم الحريم وقسم الرجال كلهم يقربون لي ..
    وين صديقاتها ؟!
    وين الناس الي تكلمهم مسن؟!
    وين وين وين وين ؟!
    كل شي تغير فجأه ..
    وين الي يحبونها ؟ وين حبيبها العاشق الهيمان؟وين وين وين ؟!
    **
    بالمدرسه
    **
    انتشر خبر دانه الفلاني توفت .. الكل حزن وخاف ودعوا لها .. صديقاتها يصحون بجهه وبعضهم قال ببتسامه .."اييه الله يرحمها ويغفر لها على كل ما سوته لنا"
    **
    نواف؟!
    ساره؟
    عمر؟
    مشاري ؟
    سعود؟
    الخ الخ الخ
    ثلاث ايام.. بكو او مجرد حزنوا .. ورجعوا على حالهم
    وللحين صديقات دانه يناشدون اهل الخير كيف يحذفون بروفايلاتها بالنت لوق والفيس بوك ..
    وهذي هي الادعيه تنتشر ..من صديقتها يناشدون الناس يدعون لها ..

    **
    ببس حطوا نفسكم مكان دانه وتخيلوها انتم بعيد الشر
    محد يبغى يكون نهايتة زي دانه !!
    طيب ليه نسوي زي الي تسويه دانه بالظبط؟
    لو يصير لنا نفس الي صار لدانه وش بنسوي ؟!
    وش موقفنا قدام ربنا؟!
    قبل لا نسوي الشي ليه ما نفكر بالعواقف الدنياويه والاخره
    صديقات دانه؟ كلها كم شهر وينسونها لانهم من نفس نوع دانه
    ..
    ليه ما بعد ما يموت اي احد لنا ندعي له بالرحمه؟ ليه قبل ما يموت ننصحه وندعي له بالهدايه؟!
    كتبت هذي القصه كعضه وعبره فقط وارجوا نشرها لان في بنات كثييير نفس حياة دانه .. يمكن على يدينكم يتوبون

     
  2. ورده مدينيه

    ورده مدينيه تاجر مميز

    إنضم إلينا في:
    ‏12 فبراير 2009
    المشاركات:
    934
    الإعجابات المتلقاة:
    0
    جزززاك الله خير وجعلها بميزان حسناتك
    والله يهدي شبابنا وبناتنا للصواب
     
  3. me99

    me99 رحمتك يارب (قمرهم)

    إنضم إلينا في:
    ‏6 سبتمبر 2010
    المشاركات:
    6,718
    الإعجابات المتلقاة:
    0
    الوظيفة:
    @@@@@@@@@@@@
    الإقامة:
    @@@@@@@@@@@@@@
    جزاك الله خير
     
  4. أنشودة الطفوله

    أنشودة الطفوله تاجر مميز

    إنضم إلينا في:
    ‏7 نوفمبر 2010
    المشاركات:
    125
    الإعجابات المتلقاة:
    0
    الله يرحمنا برحمته ويحفظنا من شر انفسنا والشيطان

    هذي دعوة لتجديد العهد مع الله وتقديم رضى الله على رضى النفس

    اللهم نسألك الهدايه والثبات حتى الممات اللهم ارضى عنا وجعلنا من عبادك الصالحين

    جزاك الله خير
     
  5. سوسو 1

    سوسو 1 تاجر مميز

    إنضم إلينا في:
    ‏29 ابريل 2010
    المشاركات:
    791
    الإعجابات المتلقاة:
    0
    قال تعالى:
    حتى إذا جاء أحدهم الموت قال رب ارجعون لعلي أعمل صالحا فيما تركت كلا إنها كلمة هو قائلها ومن ورائهم برزخ إلى يوم يبعثون
    [المؤمنون:99-100].
    اللهم اهد شبآب وبنآت المسلمين ,,
     
  6. تعلمت بعد ماتألمت

    تعلمت بعد ماتألمت ابكاني رحيله

    إنضم إلينا في:
    ‏8 ابريل 2010
    المشاركات:
    1,348
    الإعجابات المتلقاة:
    0
    اثرت علي قصه مره ماقدرت اتمالك دموعي خاااااااااايفه بس الحمدالله ضابطه نفسي حتى الاغاني ما اسمعها بس جاني خوف من الموت فجئه اموت يارب رحمتك وحسن خاتمه يااااااااااااارب
     
  7. سامي طاهر

    سامي طاهر تاجر محترف

    إنضم إلينا في:
    ‏23 ابريل 2010
    المشاركات:
    2,176
    الإعجابات المتلقاة:
    0
    الوظيفة:
    برمجة وصيانة واستيراد قطع غيار
    الإقامة:
    مكة المكرمة
    بسم الله الرحمن الرحيم

    اخي الكريم أظن في السنة المشرفة وفي القرآن الكريم من المواعظ ما تفكي ليقظة الضمير أكثر من هذه القصة المختلقة ..

    بارك الله فيك
     
  8. $$_ الأمــير _$$

    $$_ الأمــير _$$ تاجر محترف

    إنضم إلينا في:
    ‏21 فبراير 2010
    المشاركات:
    2,942
    الإعجابات المتلقاة:
    0
    حياكم الله جميعاً واسعدني كثيرا مروركم
     
  9. سهر55

    سهر55 وحشتني ياثامر

    إنضم إلينا في:
    ‏30 سبتمبر 2010
    المشاركات:
    809
    الإعجابات المتلقاة:
    0
    الوظيفة:
    press
    الإقامة:
    مهوى الافئدة
    اللهم احسن خواتيمنا ولا تحرمنا من لذة النظر الى وجهك الكريم
     
  10. سهر55

    سهر55 وحشتني ياثامر

    إنضم إلينا في:
    ‏30 سبتمبر 2010
    المشاركات:
    809
    الإعجابات المتلقاة:
    0
    الوظيفة:
    press
    الإقامة:
    مهوى الافئدة
    اللهم يحمينا
     
  11. راجي رحمة ربه

    راجي رحمة ربه تاجر مميز

    إنضم إلينا في:
    ‏6 يوليو 2009
    المشاركات:
    406
    الإعجابات المتلقاة:
    0
    اللهم اغفرلنا وتب علينا انك انت الغفور الرحيم وادخلنا في رحمتك يا ارحم الراحمين
     
  12. راجيه رضى الله

    راجيه رضى الله تاجر مميز

    إنضم إلينا في:
    ‏2 أكتوبر 2009
    المشاركات:
    665
    الإعجابات المتلقاة:
    0
    جزاك الله خير
    واحسن خاتمتنا وخاتمتك وجميع المسلمين
     
  13. $$_ الأمــير _$$

    $$_ الأمــير _$$ تاجر محترف

    إنضم إلينا في:
    ‏21 فبراير 2010
    المشاركات:
    2,942
    الإعجابات المتلقاة:
    0
    حياكم الله جميعاً
     
  14. $$_ الأمــير _$$

    $$_ الأمــير _$$ تاجر محترف

    إنضم إلينا في:
    ‏21 فبراير 2010
    المشاركات:
    2,942
    الإعجابات المتلقاة:
    0
    سبحان الله وبحمده
     
  15. شوق جازان

    شوق جازان تاجر مميز

    إنضم إلينا في:
    ‏8 ابريل 2010
    المشاركات:
    272
    الإعجابات المتلقاة:
    0
    جزاك الله خيرا

    والله يلهمك بنطق الشهاده

    الحمدالله مهما كانت اشغالنا الدنيويه لاتشغلنا عن ذكر الله وطاعته اللهم نسألك الثبات

    واحسن خواتمنا يارب
     
جاري تحميل الصفحة...

مشاركة هذه الصفحة