1. مرحبا بكم في أسواق ستي أكبر المواقع التجارية شعبية
    إستبعاد الملاحظة

أحلى مطاعم الرياض..عائلات

الكاتب: ابووهيب, بتاريخ ‏12 نوفمبر 2010.

  1. ابووهيب

    ابووهيب تاجر

    إنضم إلينا في:
    ‏18 نوفمبر 2009
    المشاركات:
    53
    الإعجابات المتلقاة:
    0



    [​IMG]
    كل عام وأنتم بخير .. وإجازه سعيده مقدمآ :

    يا ليت من أعضاء المنتدى الكرام وخاصة اللي بالرياض ذكر تجاربهم مع المطاعم والجلسات العائليه مع إيضاح كل التفاصيل مثل طعامة الأكل والخدمه وحلاوة الجلسات والأسعار والموقع ...

    وكمان تخصص المطعم ( مشويات - لبناني - ايراني - هندي )


    والحقيقه اللي شدني لهالموضوع اني ما راح اسافر خارج الرياض بالعيد وأكيد فيه كثير مثلي وبصراحة نادرآ ما تلقى مكان تتمشى فيه غير الأسواق والمطاعم ..


    يا ليت تفيدونا بتجاربكم ويكون هالموضوع مرجع لأي شخص بيطلع يتعشى برا البيت ...


    تحط الموضوع بالمفضله وكل ما بغيت تطلع لمطعم .. إدخل وشوف ردود الموضوع ولا تحتار بالمطعم ...


    أعتذر عن الإطاله ومشكورين حبايبي على إهتمامكم



    لكم بعض تجاربي :
    1- البحصلي أكلهم تغير للأسوأ وصار الحمد لله والشكر ... ما يستاهل
    2- السرايا عاااادي جدآ
    3- الضوء الخافت جلسته حلوه لكن الأكل أي كلام
    أما بالنسبه للمطاعم اللي أعجبتني :
    1- كوبر شندني بآخر شارع التحليه على اليمين وتصميم المبنى غريب ( مأكولات هنديه ) واسعار متوسطه
    2- ست الشام ثلاثين العليا .. أكل ممتاز
    3- بروست الأفندي .. الشميسي شارع الخزان ... الحراق خيالي ( احلى بروست بالرياض )
    4- مشويات عبد الوهاب بالتحليه ممتاز واسعار نسبيآ عاليه
    5- فاهيتا افينيو ( مكسيكي ) قبل تقاطع شارع الضباب مع الثلاثين بالعليا بإتجاه الجنوب على اليمين فبل التميمي .. أسعار متوسطه
    6- مطعم خاص بالإفطار ( لبناني ) ولا فيه جلسات عائليه لكن مسككككت حمص متبل مسبحه مزرعة جبن بيض ايطالي فرن ... حركاااااات .. طريق الامام سعود مخرج 9 بإتجاه الغرب على اليمين قبل كوبري الملك عبد العزيز وعندهم مشويات بالليل لكن ما جربتها .
    7- فيروز قاردن ( لبناني ) ما جربته لكن يمدحونه والأسعار بالسماء فوووق في مجمع المقاهي اللي على طريق الملك فهد قبل المملكه بإتجاه الشمال.
    8- مطعم ايطالي مدري وش اسمه بنفس المجمع اللي فيه فيروز قاردن ... ما جربته ويمدحونه لكن غاااالي
    9- مطعم التميز ( مثلوثه - شوايه - مندي - مظبي - لحم - دجاج ) بصراحه خيالي ... لسكان غرب الرياض ... على الدائري الجديد مخرج 33 بإتجاه الغرب على اليمين و عندهم جلسات عوائل أرضيه لكن بصراحه الدجاج شوايه ورز شعبي عندهم خيااالي.
    10- ( طليطله ) مطعم هندي جلساته سياحييييييـــــه أي كلام لكن الأكل خورااااافي وعندهم جلسات عوائل ولا تستغرب اذا لقيت قطو تحت الطاوله لكن الأكل ما تشبع ... الموقع : الوزارات شارع الضباب تتعدى إشارة معرض السيارات بإتجاه الشمال ثم يمين من اول شارع مزدوج وبعدها ب 600 متر على اليمين.
    11-فوركيتا ( إيطالي ) ما جربته لكن يمدحونه بقوووه طريق خريص باتجاه الشرق بعد الدائري الشرقي على اليمين لكن وين بالضبط ما أدري لكن مقابل سلة الغذاء ومجموعة اسواق على اليسار ... بس أهم شي اذا طلبت من أي مطعم ايطالي قل لهم بدوووووون جبنة بارميزان ... اللهم لك الحمد جبنه معفنه وريحتها تخرب طعم الأكل كله
    12- أوشال ( لبناني ) أكلهم حلو وعندهم أكل هندي لذيذ .. الدائري الشرقي قبل مخرج 10 باتجاه الشمال .
    13- هذا للعزوبيه ههههههه ( بخاري ) لكن خيالي اسمه فيه الحمراء او الأحمر ... مدري المهم لوحته حمراء لكن خوراااافي طريق القصيم على اليمين ( العقيق ) باتجاه الجنوب مقابل برج الهلال الأحمر.

    وأهم شي نقول ... له الحمد والشكر اللي أنعم علينا بهالنعم ونسأل الله ان لا يجعل لها زوال ولا تنسو بعد الأكل : ( الحمد لله اللذي أطعمني هذا ورزقنيه من غير حول مني ولا قوه ) وبألف عافيه على الجميع وأشكر كل من شارك وننتظر تجاربكم
     
  2. ام سلووم

    ام سلووم تاجر محترف

    إنضم إلينا في:
    ‏4 ديسمبر 2009
    المشاركات:
    11,135
    الإعجابات المتلقاة:
    0
    مشكووره ويعطييك العافيه
     
  3. إشراقة فجر

    إشراقة فجر تاجر محترف

    إنضم إلينا في:
    ‏17 أكتوبر 2009
    المشاركات:
    2,201
    الإعجابات المتلقاة:
    0
    الإقامة:
    ★الريـــاض★
    أوشال (لبناني) أكلهم حلو وعندهم أكل هندي لذيذ .. الدائري الشرقي قبل مخرج 10 باتجاه الشمال .
     
  4. تـــــواصــــل

    تـــــواصــــل تاجر محترف

    إنضم إلينا في:
    ‏30 ابريل 2010
    المشاركات:
    1,105
    الإعجابات المتلقاة:
    0
    الوظيفة:
    Dealer Hours
    الإقامة:
    Riyadh
    عزوبي ^_^

    وفكرة حلوة جاري الحفظ بالمفضلة
     
  5. أبوسارا

    أبوسارا تاجر مميز

    إنضم إلينا في:
    ‏9 ديسمبر 2008
    المشاركات:
    537
    الإعجابات المتلقاة:
    0
    كل مطاعمنا زبالة ومضحوك علينا
    لا تاخذ حقك لا من اكل ولا نظافة ولا سعر ولا خدمة
    بس اذا مزنوق رح للمطاعم االللي فيها طقم فلبيني احسن الموجود
    ستيك هاوس وتشيليز وطقتها
     
جاري تحميل الصفحة...
المواضيع المشابهة التاريخ
خدمات معقب الرياض ‏أمس في 10:51
خدمات معقب الرياض ‏17 نوفمبر 2016
استفسار معقب الرياض ‏9 نوفمبر 2016
خدمات معقب الرياض ‏8 نوفمبر 2016
مواد غذائية افران شوايات مطاعم بيتزا0534654189 ‏19 أكتوبر 2016

مشاركة هذه الصفحة