1. مرحبا بكم في أسواق ستي أكبر المواقع التجارية شعبية
    إستبعاد الملاحظة

التعامل في المنتدى !!

الكاتب: ابراهيم الخليوي, بتاريخ ‏27 يونيو 2009.

  1. ابراهيم الخليوي

    ابراهيم الخليوي تاجر

    إنضم إلينا في:
    ‏7 مارس 2009
    المشاركات:
    64
    الإعجابات المتلقاة:
    0
    الصراحه هذا الموضوع كان ودي افتحه من زمان لكن مالله يسر اني افتحه , الصراحه انا عندي بعض الملاحظات على التجار اللي يعرضون بضاعتهم واتمنى تعطوني رايكم :

    1: اشوف ان اغلب التجار ينزل موضوع غير متكامل واذا بدأ الاعضاء يسألونه يجاوبهم على الخاص مثال :
    للبيع تلفزيون .
    يقوله احد الاعضاء وش صناعته ؟؟
    يقوله لك رسالة على الخاص .
    وبعدين يقولة واحد من الأعضاء وش اسم الشركة ؟؟
    يقولة لك رسالة على الخاص .
    ..........
    ............
    ..........

    س/طيب وش فايدة المنتدى حاطينة ؟؟
    اغلب الزوار والزبائن يدخلون على عنوان الموضوع على انهم ناويين يشترون وبعدين مايلقون المعلومات الكافية عن اللي يبونه , اكيد انت يا الزبون بتشك بالبضاعة اللي قاعد يبيعها التاجر ولا ليش ماتعرض لي كل المعلومات ؟؟؟

    في بعض التجار يقول اخاف من الغير جاديين ؟
    اقوله يعني ماراح يجيك واحد ماهو جاد في الخاص اللي ماهو جاد واللي يبي يلعب بيجيك بكل مكان حتى لو بالمريخ .
    يعني الغير جاد ماعنده رسايل خاصة ؟؟؟؟؟؟
    يقدر يكلمك ويواعدك ويسحب عليك لانه ماهو جاد من الأساس يعني ماراح تفرق معاه خاص ولا عام.
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    2: لاحظت ان اغلب المواضيع مبهمه ولا تفهم منها شي ,
    مثال/
    يقول مشروع بقيمة 10000 وارباح شهرية 2500 التفاصيل على الخاص .

    واذا سألته ليش ماتحط التفاصيل قال اخاف من الغير جاديين.!!!
    أو يقول اخاف الفكرة تروح!!!!
    طيب انا اقوله حط تفاصيل عامة عن المشروع واذا انا جاد وابغى التفاصيل وجازم ارسلك على الخاص وان شاء لله نسبتك محفوظة .
    والمشروع ماراح يقدر يسوية الا اذا اخذ التفاصيل الدقيقة عن المشروع وانت لا تحطها بس حط نبذه عنه.
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    3: وهي رد بعض الاعضاء والتقليل من قيمة البضاعه داخل موضوع البائع نفسة(يعني داخل على موضوعه وتذم موضوعه؟؟!!..؟؟) ,
    يعني اذا كان عندك معلومات عن البضاعه حقته ومتأكد 100% انها صحيحه راسل صاحب الموضوع اذا كنت تبي الخير اما اذا تبي شيء ثاني (اذا لم تستح فاصنع ماشئت).
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    نصائح للبائع:
    1: حط التفاصيل كاملة في موضوعك علشان انت ترتاح من الأجوبة على الخاص والزبون يرتاح ويرتاحلك هو ايضاً ,لأنك تتعامل قدام الناس .
    2: سو لك رقم جوال خاص للبيع والشراء (هذا اذا كنت تبيع وتشتري بإستمرار) ولا تفتحه الا بأوقات البيع والشراء علشان الازعاج.
    3: سولك ايميل خاص بالبيع والشراء للتعامل مع الزبائن( اللي ماعنده انا اسويلة;))
    4: نزل العيوب الموجوده بالشئ اللي بتبيعه , وقول كم تصليحه , ولاتنتظر احد يسألك عن العيب.
    يعني مثال / يقول واحد عندي السياره الفلانية للبيع بالسعر الفلاني ويحط رقم جواله , بعدين يسألة احد الاعضاء السيارة مصدومه ؟؟
    يقول ايه بالمكان الفلاني ويسكت , بعدين يسألة عضو ثاني السيارة مرشوشة ؟؟؟
    يقول ايه !!!!:214:
    طيب سؤال للبائع يعني لو محد سألك عن هذي الاشياء ماراح تقولهم .
    سؤال ثاني تتوقع اللي راح يقرأ الردود واجاباتك عليها راح يشتري السيارة او راح يرتاحلك ؟؟:cnf3:
    5:اذا طُلب منك تجهيز كمية كبيرة من بضاعتك فالأفضل انك تستلم نصف المبلغ والباقي بعد التسليم حتى تضمن المشتري, أما اذا كانت كمية صغير وتبين لك ان المشتري غير جاد فأنسى الموضوع فوراً ولاتتوقع ان الزبائن كلهم سواء .

    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    تنبية:
    1/الامثلة الموجودة بالموضوع لاتمثل اي شخص بالمنتدى .
    2/ انا بهذا الموضوع ماقول لاترسلون بالخاص لكن اقول يعني اذا مثلا عندك سؤال للبائع عن موضوع قديم او شي يختص فيه البائع فلا بأس ان ترسله رساله على الخاص تستفسر.
    3/ هذا الموضوع هو اجتهاد شخصي من ملاحظتي لبعض الاعضاء. لأكثر من مره وليس مرة واحدة.

    اتمنى تعطوني آرائكم بالموضوع وأرحب بالمناقشة .

    ابراهيم الخليوي:eek:
    [email protected]
     
  2. التاجرة الصغيرة

    التاجرة الصغيرة التاجرة الصغيرة ( فريسيا)

    إنضم إلينا في:
    ‏13 مارس 2009
    المشاركات:
    9,910
    الإعجابات المتلقاة:
    0
    الجنس:
    أنثى
    الوظيفة:
    مسوقة ومندوبة
    الإقامة:
    جدة
    جزاك الله خير

    والله الموضوع يستحق التثبيت المجاني
     
  3. محب الخير

    محب الخير تاجر مميز

    إنضم إلينا في:
    ‏19 يونيو 2009
    المشاركات:
    179
    الإعجابات المتلقاة:
    0
    نقاط هامه واضم صوتي لصوتك والله يوفق الجميع
     
  4. ₪ جرح البطالة ..! ₪

    ₪ جرح البطالة ..! ₪ تاجر مميز

    إنضم إلينا في:
    ‏21 فبراير 2009
    المشاركات:
    216
    الإعجابات المتلقاة:
    0
    أحسنت , وشكرا على الطرح الرائع , بارك الله فيك أخوي
    وسلام
     
  5. ابراهيم الخليوي

    ابراهيم الخليوي تاجر

    إنضم إلينا في:
    ‏7 مارس 2009
    المشاركات:
    64
    الإعجابات المتلقاة:
    0
    شاكـر لكم مـروركـم وردودكـم ونـنـتـظر تفاعل باقي الأعـضـاء وآرائهم
     

  6. الأخ الفاضل / ابراهيم الخليوي

    السلام عليكم ورحمة الله وبركاته ،،، تحية طيبة وبعد

    بدوري يشرفني ان اتقدم اليك نيابة عن منتديات اسواق ستي وعن جميع الأخوة الأعضاء لهذه اللفتة والملاحظات القيمة والمفيدة في نفس الوقت وبالفعل كلامك عين العقل والصواب وكثر الله أمثالك متمنيا ان يعتبر بها بعض الأخوة وتكون مثلا يحتذى به لبعض المواضيع التي تكتض بردود الفعل السلبية من بعض الأخوة ،،، نسأل الله عزوجل أن يكتب التوفيق للجميع انه سميع مجيب .
     
  7. سبحانا الله وبحمدة

    سبحانا الله وبحمدة تاجر

    إنضم إلينا في:
    ‏5 يونيو 2009
    المشاركات:
    87
    الإعجابات المتلقاة:
    0
    جزاك الله خير افضل طريقه هى ماذكرت حتى يسهل على الأطراف ( المسوق - والزبون )
    كسب الثقه المتبادله بدون إدخال الشك فى الطرف الأخر
     
  8. فاهمه التجاره صح

    فاهمه التجاره صح تاجر محترف

    إنضم إلينا في:
    ‏17 سبتمبر 2008
    المشاركات:
    2,396
    الإعجابات المتلقاة:
    0
    يعطيك العافيه وان شاءالله يتثبت او الاداره يكتبون النقاط ويتثبت الموضوع
    تقبل مروري
     
  9. ابوموسي

    ابوموسي تاجر محترف

    إنضم إلينا في:
    ‏14 يوليو 2008
    المشاركات:
    14,753
    الإعجابات المتلقاة:
    0
    جزاك الله خيرا ..............
     
  10. عبدالملك

    عبدالملك تاجر مميز

    إنضم إلينا في:
    ‏27 يناير 2009
    المشاركات:
    207
    الإعجابات المتلقاة:
    0
    ملحوظات غاية في الأهمية ...

    أرجو من الإدارة تعديل الوضع الحاصل وتعطيل الخاص والتراسل غير المبرر

    وأضف لذلك أن أحد الأشخاص يعرض سلعته ثم لايرد على أحد ويأتي بعد شهر ويرفع الموضوع ولايرد ...
     
  11. ابراهيم الخليوي

    ابراهيم الخليوي تاجر

    إنضم إلينا في:
    ‏7 مارس 2009
    المشاركات:
    64
    الإعجابات المتلقاة:
    0
    الله يجزاكم خير على المرور والكلام الطيب,
    وبالنسبه لمداخلة الأخ عبدالملك الصراحه انا اشوف ان البائع اذا كان ماحاط البيانات كاملة عن موضوعه محد راح يرد علية فا يضطر الى ان يرفع الموضوع.
    وأصلاً في بعض الأعضاء انت اللي ترفع موضوعه تقديراً له ولأحترامه ولسمعته بالمنتدى , وهذا اللي نبغاه يكون موجود بالمنتدى.

    شكراً لكم
     
  12. عــقــآريــهـ100%

    عــقــآريــهـ100% تاجر مميز

    إنضم إلينا في:
    ‏10 مارس 2009
    المشاركات:
    118
    الإعجابات المتلقاة:
    0
    بصـــرآحــه كـــلآم يثلج الصـــدر .. وربي أني لي فتــره ابي افتح هالموضوع .. :clapinghand:
    يعطيـــك الف عــآفيه .. كفيت ووفيت .. :clapinghand:


    تــقبــل مروري ..
     
  13. noor

    noor تاجر مميز

    إنضم إلينا في:
    ‏14 يوليو 2008
    المشاركات:
    214
    الإعجابات المتلقاة:
    0
    الوظيفة:
    CONSULTANT
    الإقامة:
    RIYADH - K.S.A
  14. ابراهيم الخليوي

    ابراهيم الخليوي تاجر

    إنضم إلينا في:
    ‏7 مارس 2009
    المشاركات:
    64
    الإعجابات المتلقاة:
    0
    انا الصراحه من زمان ناوي اكتبه لكن شفته انتشر وصار ظاهرة قلت وجب اني انزل الموضوع .

    شاكر لكم مروركم وبارك الله فيكم
     
  15. شـروق الجمـال

    شـروق الجمـال تاجر محترف

    إنضم إلينا في:
    ‏28 ابريل 2009
    المشاركات:
    4,650
    الإعجابات المتلقاة:
    0
    الإقامة:
    مكــــة المكــــرمـة
    والله صح كلامك .. بس انا اشوف اللي مايقول السعر يبغى الناس تجي ترفع له الموضوع بالسؤال عن السعر ..
     
جاري تحميل الصفحة...

مشاركة هذه الصفحة