للبيع بيت ب1500................لايفوتكم

بعض الناس انهبلت والا هي منهبلة خلقة؟؟








طلعت من هايبرماركت قبل شوي وانا بركب موتري الا اشوف هاك الاعلان

على قزاز الهايبر ماركت يقول الاعلان:





بيت للبيع وقرية كاملة للبيع

(لظروف السفر والابتعاث)

وبسعر مغري بترافيان
وحاط رقم جواله بالأخير​

وانا خبركم أدور بيت هاليومين



فرررررررررحت

المهم وانا ادق عليه قلت غديه بيبيع ومحتاج ونستفيد كم قرش بعد ترميم البيت





بس ابتلشت بترافيان منيب عرفه ولا مر علي

وجلست افكر وين هالحي فيه اللي اسمه ترافيان؟؟

قلت لنفسي:مايهم يمكن من الاحياء الجديدة وطقتها
وانا اللي ادق عليه
(حاط صدى اغنية طلال مداح كنغمة رن)​

مقادير يا قلب العنا مقادير وش ذنبي انا



قلت شكله عنده ظروف قاهرة والرجال غرقان لشوشته ويبي يبيع باسرع وقت

وارجع ريوس واشق الاعلان قلت لا أحد يشوفه ويخرب علينا البيعة ويسبقنا

المهم
رد مرحبا
قلت السلام عليكم
وعليكم السلام
كيف حالك اخوي ان شاء الله تمام
قال الحمدلله
قلت شفت اعلانك لبيع البيت
البيت جديد ولا قديم ؟
قال جديد من بدايات 2009
قلت كم سيم وحدك يالغالي
قال منيب طماع
وتراي سمح
وانا اللي اقول بقلبي غدي الدرج مفصول ارغب له وفيه مسبح وبايكة وبيت شعر
ومكيفات اسبيلت والبوية فيلفت
المهم قلت وشالمواصفات
وهو اللي يقول
اخوي من جد فرصه لا تفوتك​

قال وش اسم الولد الله يسلمك؟



قلت محمد

قال هذي الموصفات يا ابومحمد

قريتي .... من قال قريتي وانا اللي اهوجس واقول شكله مطنوخ راعي قرى وشاليهات ومنتزهات
قلت الله يزيده من نعيمه
شوي ويقول
عدد السكان 4077
لها 6 قرى فرعية
قلت ما شاء الله تبارك الله
قال اشتراك قوي 20 على السيرفر
ترتيب القرية 1250
فيها320 ذهب (قلت شكل البير الارتوازي يسمونه ذهب من زود غلاه)
والمطلوب 1500 ريال يا الشيخ
قلت وشاللي بـ1500 ؟؟
قلت بقلبي شكله مكثر اللبن او ان البيت فيه (إن) و(جنّا) انا وش هالسعر
اكيدانه مهوب صاحي لا بالله 1500 اكيد مهبول ولا يحسبني باستاجر يومي
وانا اللي اسئله
بكم؟؟
قال 1500
وانا اللي اصرخ واقول انت صادق ولا تمزح
قال جاديابو محمد ولولا الظروف قسم بالله ما ابيعها ؟؟؟
وانا الي اسئله الصك باسمك ؟؟البيت عليه مشاكل ارث او غيره ؟
الحي معتمد من الامانة ؟؟؟؟؟
الخدمات واصلة؟؟
قال يا خوي انت وش فيك اي ارث واي مشاكل واي خدمات وهو اللي يحطه على السبيكر
قلت شكلي احرجته والرجال حساس
قلت له
والبيت وينه فيه ؟؟؟؟؟؟
قال بترافيان
قلت وترافيان باي مكان ؟
قال ايش ؟
من قال ايش قلت شكلي غلطت​

قلت يا الشيخ

الله يطول بعمرك حي ترافيان وين مكانه فيه ؟

قال تستهبل انت؟
قلت لا والله منيب استهبل اول مره اسمع بالحي
قال اي حي قلت اللي انت باني فيه حي الترافيان
وهو يضحك واسمع ضحكات من حوله اثره حاطه ع السبيكر
قال انت ماعندك كمبيوتر قلت الا
قال ولا عمرك دخلت ترافيان قلت ابد
حدي منتديات الاسهم ؟
قال ترافيان لعبه
واشتراك السيرفر33​

قلت وشو ؟

وانا اللي اقطع الخط
ويجلس يدقدق وانا الي مارديت عليه
وارقام غريبه تدق​

وانا سايقها طناش​

وتاليهاحسبي الله ونعم الوكيل​

هو اللي يرسللي رسالة (( حياك الله يا ابو محمد على

النزالة حاطين عشاء في بيتنا الجديد بترافيان​

((​

وحاط وراها:ههههههههههههه طويلة​

يخرب بيت ترافيان وقرية ترافيان هبلت بشبابنا هالالعاب



أجل اعلان بالشارع وآخرتها لعبة انترنت؟؟

ملطوووووووووووووووووووووش​

 

هههههههههههههههههههههههههههههههههه

 

شكرا لك على الموضوع المرح والله يرعاك

 

خخخخخخخخخخخخخخخخخخخخخخخخخخخخخخخ


صج فطست من الضحج

الله يسعدج يا زوزو ستااار

 

شكرا روووووووووووووعة

 

بطني بطني
خخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخ
خخخخخخخخخخخخخخخخخ
خخخخخخخخخخخخ
خخخخخخ
خخ