1. مرحبا بكم في أسواق ستي أكبر المواقع التجارية شعبية
    إستبعاد الملاحظة

أعــــــــــــــــــــوذ بالله من .......... فين اهل مكـــــــــــه

الكاتب: المكااااوي, بتاريخ ‏26 أكتوبر 2010.

  1. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    السلام عليكم ورحمة الله وبركاته

    أهلا وسهلا بكم وعلى موضوعي العُتقي نور

    اليوم جايب لكم من كلام الحواري وكل حارة إيش كانوا يقولوا عنها

    يعني يعايروهم بيها والشهرة والبهلله وكلها على بعض

    زمان كانوا ضعاف ومساكين وماعندهم الا الحارة وعيال الحارة وكل يوم والتاني مضاربات مع الحارة الفلانيه

    وهاتك يا مؤامرات وتخطيط تقول في حرب هههههههه

    المهم ناس على قدهم وهذة أفكارهم طبعاً بالنسبه لبعض الشباب الفاضي

    ويلعبوا مزمار مع بعض وحبايب وأخوان واكثر من الأخوان لكن احياناً يقلبوا الجُبه وتصير الغشنه بعد المزمار وهاتك يالسع وتفقيش بعود المزمار

    موضوعي إيش كانوا يسموا اهل الحواري المكاوية

    يجيك الكلام :

    • أعوذ بالله من أسماء أهل السليمانية
    • ومن النقا الحشاشة
    • ومن كوارة أهل القرارة
    • ومن ملاح الشاميه ((فينك يالدهليز))
    • ومن قعطبة أهل الشبيكة
    • ومن فقر حارة الباب
    • ومن نفاق أهل جياد
    • ومن ورورة أهل المسفله
    • ومن طوال القشاشية
    مادري في حارة باقية ؟؟

    وسلامتكم

    وحبا حبا باللي جااااااااااه باللي جااااااااااه
     
  2. THAMIR

    THAMIR تاجر مميز

    إنضم إلينا في:
    ‏14 أكتوبر 2009
    المشاركات:
    464
    الإعجابات المتلقاة:
    0
    مشكور ع آلموضوووع
     
  3. CUTE-GIRL

    CUTE-GIRL ^_^

    إنضم إلينا في:
    ‏3 ديسمبر 2009
    المشاركات:
    1,832
    الإعجابات المتلقاة:
    0
    الوظيفة:
    طالبة
    الإقامة:
    TUNISIA
    ههههههههههههه
    والله كلام غريب
    وسبحان الله كيف كانو زمان
    اظن الان لسه باقية حارات بس مو كتير
    بس كانت عيشة حلوة في الحارات
    متماسكين مع بعض يوقفوا مع بعض بوقت الحاجة
    مو زي الان (الله المستعان)
    الجار ما يعرف مين جاره

    تسلم مكاوي عالموضوع الرائع
     
  4. كادي مول

    كادي مول تآجره شآمله

    إنضم إلينا في:
    ‏16 أكتوبر 2009
    المشاركات:
    1,026
    الإعجابات المتلقاة:
    0
    الإقامة:
    متجري الخاص http://mtgry.com/kady-Moll-2
    خخخخخخخخخخخخخخ
    تراك جبت حارة اهلي




    ماراح اقول اي وحده هع
     
  5. بنت الضيافة

    بنت الضيافة تاجر محترف

    إنضم إلينا في:
    ‏5 مايو 2010
    المشاركات:
    1,452
    الإعجابات المتلقاة:
    0
    ياحبي لكم يا اهل مكة
    ايوة كدة اتحفونا كمان وكمان انا احب اسمع اخبار وحكاوي ايام زمان
    مشكور اخوي مكاوي
    بس ما ذكرتلنا انت من اي حارة فيهم :021:
     
  6. ام الكناري وبس

    ام الكناري وبس تاجر مميز

    إنضم إلينا في:
    ‏27 سبتمبر 2010
    المشاركات:
    209
    الإعجابات المتلقاة:
    0
    حواري جديدة عليا بصراحة

    بس تصدق على قد مضاربات زمان إلا القلوب صافية والنفس مرتاحة مو زي دحين تفقشني ما أكلمك سنة
     
  7. رتاج تاج

    رتاج تاج تاجر مميز

    إنضم إلينا في:
    ‏29 يناير 2010
    المشاركات:
    200
    الإعجابات المتلقاة:
    0
    وااااااااااااااو روعه
    ذكرتني بزمان
    ياحبي لحارتنا وناسها
    والف تحيه لمكااااااوي
    والدهليز اهل الشاميه والنعم
     
  8. ابو عادل_

    ابو عادل_ تاجر مميز

    إنضم إلينا في:
    ‏23 أكتوبر 2009
    المشاركات:
    157
    الإعجابات المتلقاة:
    0
    الله يرحم ايام زمان
     
  9. انجلينا جولي

    انجلينا جولي تاجر مميز

    إنضم إلينا في:
    ‏5 مارس 2010
    المشاركات:
    662
    الإعجابات المتلقاة:
    0
    والله مافهمت شي كانك تتكلم لغة ثانية
     
  10. خيوط ملونه

    خيوط ملونه تاجر

    إنضم إلينا في:
    ‏13 سبتمبر 2010
    المشاركات:
    53
    الإعجابات المتلقاة:
    0
    صراحه اسماء حلوه وغريبه بس الي اعرفه ان اهل مكه طيبين من يوم يومهم وعلى نياتهم واحب مكه واهل مكه وهرجهم الحلو الله الله يامكه
     
  11. رتاج تاج

    رتاج تاج تاجر مميز

    إنضم إلينا في:
    ‏29 يناير 2010
    المشاركات:
    200
    الإعجابات المتلقاة:
    0
    :021:
    مت ضحك منك
    كيف تفهمي واسمك :021: انجيلينا
    :p5088:
     
  12. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    وعليكم السلام ورحمة الله وبركاته
    الله يصبحكم بالخير جميعا حبايبنا

    امووووووووووت واعرف مين اللي قلك نغبش تحت الكرويت وتنغبش

    اهل جرول اهل الحمام المسرول
    واهل الشبيكة اهل الجبنة والشريكة
    واهل الشامية اهل الدهب بالوقية
    وعيال الشعب جعاجيع
    واهل الفلق زناوة وفراخة وبهللة
    واهل الزاهر اصحاب القلب الطاهر
    بس اللي كان يدور بالفتنة بين الحواير هداك يتفلو في وجه البعيد ربي يعزكم
    لانه يعتبر ندل وقليل اصل
    وما يروح الا لمن ياكل قدحة شون في صدغو البعيد لانه هو سبب البلاوي

    بس مزامير اول كانت نضيفة مالنا ومال المزامير اللي كانوا يسوها علشان يتشفو من بعض
    او بالاصح كمين يعني الله لايجيب الشر
    انا مشعوف منك اقردنك وامدحك وهيا العب معايا مزمار وطاق طيق واقدحك واندر حري

    ياسيدي الله يرحم اهل اول اصحاب القلوب الطيبة
    والله جلسة في المركاز معاهم تنسيك همومك واحزانك تحس انه في ناس قلبهم عليك
    وازا عندك مشكلة او مشورة مو زي دحين تجلس تدور تسأل مين وتكلم مين
    هناك ولا تحتار تعال في المركاز واطرش الكلام اللي عندك
    وتاخد الهرجة المزبوطة من اليابات اللي جالسين

    مو زي دحين بعض الشباب اخدين الهرجة هنجمة وجعرمة وتجي تكلمه يقلك ولد شارع زي اول
    وفرق كبير من ولد الشوارع اللي زي ما نشوفهم دحين وبين ولد الحارة

    عيال الحارة وشبابها يخافو على عرضهم وكل بيت هو بيتك وكل حرمة هيا اختك وامك
    وياااااما الرجال مشغول يالله روحو مع بيت فلان والا ولد فلان يوصلكم

    وازا زلت الحرمة في الشارع من غير شعور ولد الحارة يدير وجه للجدر علين تمشي الحرمة
    ولو صادف حرمة نازلة في الدرج وهو طالع يعطيها ضهرو علين تروح وتنستر
    مو زي دحين قلة حيا بعيد عنك
    لو فكيت لمبة الغرفة تلاقي الناس في الشارع يوايقو
    وازا خرجت مع اهلك وفي شباب عند جيرانك يجلسو يوايقو لا احم ولا دستور

    البيت يربي
    الشارع يربي
    الجار يربي
    العمدة يربي

    علشان كدة كانوا الشباب اول ماشين ضووووغري

    وياما انضربنا من الجيران ومن اهل المراكيز ويجو اهالينا يغلقو غلاق الناقص

    اصلا لو سويت حاجة غلط وابوك فرصع عينه
    تعرف عزاب القبر يستناك في البيت

    واحيانا ازا كانت عندنا قيلة او عزيمة تلاقينا جالسين
    ومروقين في ساعة رحمان شوية يشتغل التشحيط والتخبيط
    تقلهم والله ماسويت شي ايشبكم تايرين علينا
    يقلك هادي العلقة علشان لا تسوي شي
    يااااااااااااااااااااساتر
    اجل كيف لو سويت شي

    تصدق بالله يا مكاوي ولايهون بقية الحبايب
    الواحد استغفر الله يتمنى انه يكون مات مع الناس الحلوة اللي راحت
    من كتر اللي شفناه في الزمن هادا
    وهادا واحنا معاهم والمخضرمين لساع عايشين
    لو الله طول اعمارنا بعد 10 والا 20 سنة كيف حتكون الاوضاع

    ياعمي نتكلم عن ايه والا ايه
    الله يرحم الزمن الجميل واللي سكنو فيه بالزات اهل الشامية والفلق
    لاني كنت دبدوب وادردب من الفلق للشامية واحلى طفولة والله

    وفي وداعة الرحمن
     
  13. رتاج تاج

    رتاج تاج تاجر مميز

    إنضم إلينا في:
    ‏29 يناير 2010
    المشاركات:
    200
    الإعجابات المتلقاة:
    0
    ههههههههههههههههههه
    يسعد صباحك ياعمدتنا
    ربي يطول بعمرك
    وكلامك زين العقل
     
  14. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0

    العفو

    وشكرا على المرور
     
  15. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    في الحارات ولكن فين اهلها؟؟؟؟؟؟؟؟

    الناس اختلفت المكان والزمان موجودين

    الله يسلمك اختي
     
جاري تحميل الصفحة...
المواضيع المشابهة التاريخ
اكسسوارات دفعه جديده من اكسسورات مطليه بالذهب والابلاتين ‏أمس في 19:27
مطلوب تخلصي من الدهون ‏29 نوفمبر 2016
خدمات استقدام من المغرب عامله منزليه من لارياف ‏19 نوفمبر 2016
مطلوب مطلوب خادمات للتنازل من جميع الجنسيات ‏6 نوفمبر 2016
اكسسوارات اجعلي من شمعتك تحفة فنيه ‏28 أكتوبر 2016

مشاركة هذه الصفحة