هااااااام // ربحت 200 ألف من شركة الإتصالات‎

منقول للأهمية​

​

حدث معي شخصياً​

اتصل بي شخص من رقم غريب .....!!!
بدا بالتحية واخذ يعرف بنفسة ​

معك احمد غلام من شركة الاتصالات السعودية ( stc ) سوا ​

قلت: تفضل
فقال : لقد ربحت من شركة الاتصالات السعودية جائزة بمبلغ 200 الف ريال سعودي
اضافة الى 3 اشهر مكالمات داخلية وخارجية مجانية
قلت : طيب والمطلوب مني
قال : بعطيك رقم الشريحة الخاصة بجوالك عشان نتأكد انك انت الفائز بالجائزة ورقم الشريحة هو 899660 والمطلوب منك الان تقفل جوالك وتخرج الشريحة وتتأكد من رقم الشريحة واتصل فيني اذا كان مطابق لرقم 899660​

قلت : طيب وبالفعل طفيت الجوال وطلعت الشريحة وشفت الرقم المسجل عليها وهو نفس الرقم الي عطاني 899660 وعلى طول ماصدقت خبر انا فايز بالجائزة 200 الف ام الفله ياشيخ وعلى طول رحت اتصلت علية وقلت له الان طلع رقم شريحتي نفس الرقم الي عطيتني ​

قال: مبروك الف مبروك ياشيخ انت في اي مدينة
قلت : من الرياض
قال : طيب احنا في الشرقية ونبي رقم حسابك ورقم بطاقة الاحوال عشان نحول لك الـ 200 الف ريال​

قلت :وشلون شركة الاتصالات مالكم مكتب الا في الشرقية المفروض اني فايز بالجائزة معناها لابد يكون فية شيك بأسم الفائز مو تحويل بنكي ( هنا انا دخلني الشك واستغربت من طلبه رقم الحساب البنكي )
قال: لا مالنا مكتب الا في الشرقية وانا الحين لازم اسجل رقم حسابك البنكي و رقم بطاقة الاحوال المدنية ولا بتروح عليك الجائزة
قلت : قلت مافيه مشكله شوي واتصل فيك ​

المهم اني دقيت على واحد من العيال يشتغل في الاتصالات السعودية وسألته قال انتبه من هالنصابين وسألته بخصوص رقم الشريحه 899660 قال هذا الرقم موجود على كل شرائح الاتصالات السعودية مهوب على شريحتك بس وفعلا انا فتحت اكثر من شريحة وطلع نفس الرقم ( 899660 )​

لذلك احذروا من هالنصابين

 

ومازال مسلسل النصب مستمر وبا اساليب مبتكره
قطع مسلسلات النصب بزايده الوعي والحرص
مشكووره اختي على النقل

 

ههههههههههههههههههههههههههههههههه
شئ لا يصدق الاتصالات يعطونك 200 الف
زين اذا ماسرقوك

 

العفوا
والله يحفظنا من النصابين والمحتالين والمشعوذين
ومشكووورين على المرور

 

الله يعطيك العافيه
ههههههههههههههههههه
مالقيوا إلا الأتصالات تعطي ها لمبلغ ياليتهم قالوا زين او موبايلي كان مشت
سياسة الاتصالات تأخذ ولا تعطي
هههههههه

 

مالقيت الا الاتصالات يعطون 200 الف مره وحده :214::214:
تبيهم ينجلطون ولا تبي توديهم اشهار 5088:

لكن الله يستر من هالنصابين اللي صايرين منتشرين مثل الوباء
الله يبعدنا وياكم عن كل مكروه

يعطيك العافيه

 

الله يعافيكم
ومشكووورين على تواصلكم

 

http://www.aswaqcity.com/thread407279.html



ومازلنا نتلقى
حيل
وخداع
فهم وبإستمرار يبتكرون الجديد منها

حفظنا الله

 

هههههههههههههههههههههه
مشكووووره على النقل يالغلا
والله يكفينا شر النصابين

 

شفت الموضوع وجيتك ماشيه 600
واتاري الشغله نصب
الله يقطع خشومهم

 

حسبي الله ونعم الوكيل

 

اعوذ بالله من النصاابين

ونفسي اعرف ليه يطلبو رقم بطااقه الاحوال ايش يستفيدوو منها ؟؟؟؟

 

أتصل ع خويي هذا اللي أسمه غلام


هههههههههههههههههههههههههههههههههههههههه

وطاح له بواحد عله ... خويي وقاموا يتسابون مع بعض

 

نفس القصة مع زوجي بس قا لاحنا من الرياض لأن احنا من الشرقية

وربي عالم مريضة واتصل زوجي وبلغ عليه ،،

 

اووووووو وصلت لهالحركه ولله من جد قلة حيااا ...الله يبعدنلا عن هالنصابيييين...يعطيك العااااافيه عالتنبيه..عزيزتي..