1. مرحبا بكم في أسواق ستي أكبر المواقع التجارية شعبية
    إستبعاد الملاحظة

إلى متى هذة المهزله ياشركه الكهرباء حسبنا الله ونعم الوكيل

الكاتب: المكااااوي, بتاريخ ‏5 أكتوبر 2010.

  1. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    الى متى ونحن نعاني من الانقطاعات المتكررة والتي تستمر باليوم الكامل

    أين المسؤولين وأين الرقيب

    الدوله أعطتهم 15 مليار وهم لا يريدوا ان يغيروا كيبل كامل

    بل هم لا يعرفون اين هو ؟؟؟؟

    لا يكون جايبين سباكين علشان يشتغلوا في الكهرباء

    من يوم السبت 11 ليلا الى ليل الأحد الساعه 8

    وامس من الساعه الواحده ليلا الى ا
    لساعه ال 6.30 صباحا

    ولم تنتهي المشكله فالى اين تسير هذة الشركه وأين المسؤولين

    نحن لا نريد ان نسمع ارقام فلكيه نريد الرقيب والحسيب عليها
     
  2. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته

    يااااااااااااااااااالله صباح خير
    ايشبك يا مكاوي قايم على يدك الشماااااال
    صوتك جايب لاخر الزقاق ماشاء الله

    بس معاك حق كللللللللو ولاقطعة الكهربا

    مالك الا تشغل سيارتك ووحدة مجنينة في الشركة تلاقيهم زي المجانين يجرو

    اسأل مجرب
    واللي خلقك قبل 7 سنين انقطعت الكهربا وغيرو كبينة كاملة
    بس مقاسها صغير تشتغل المكيفات واللمبات بنص قوتها
    يعني زي الترشيد عارف كيف افياش النجفات اللي تتصغر وتخلي النور منخفض
    والتلاجات قامت تنخرب
    والف بلاغ ولا جاب فايدة

    اتخيل يومين مادقنا النوم والكلام هادا في رمضان
    خشينا زي الصهاينة عليهم والتلفون يدق في الطواري حقت الكهربا
    والاخوان جالسين هرج ومصخرة في الكراسي
    وازا اتكلم ورقع السماعة يتكلم ببرود يفقع القلب
    شويتين رسلو فرقة كاملة بس يستنو رئيس الفرقة
    والكلام في عز النهار والناس صايمة
    والرئيس حق الفرقة داير يتلسلس بالسيارة جمب نادي الوحدة
    ونلف عليه بالتسعاوي جمدنا الدم في عروقه وجريناه معانا

    ساعات الكلام الطيب مايجيب فايدة ومضيعة للوقت
    واتزكر كل قفل وله مفتاح

    بس رجعنا صمنا هداك اليوم من باب الاحتياط لانو صارت علوم

    اللي يجنني وساعت اقولها لشركة الكهربا
    الفواتير اول بأول نسدها
    غليتو الكهربا وزودتو قيمتها سكتنا ومشينا حالنا
    غلق الناقص تنقطع ومانشوفكم والا تبغونا نبوس اياديكم
    الله يكهربكم بكهربتكم

    واحد من الحبابيب ربي يدخله الجنة
    قلي يادهليز بالزات وقت المطر تسير التماسات وتتصل على الكهربا ماعندك احد
    ايش تسوي
    روح دق على الدفاع المدني وقلهم الكبينة دخنت والا بيتي فيلو ماس
    ياتلحقوني والا اروح شهيد
    كبرلهم الصبحة وسويلهم هيلمان
    على طول يجي الدفاع المدني ويجب فرقة كهربا من الشركة

    بس مشكلتك في كيبل ضارب يعني
    اعرف واحد في الكهربا متقاعد
    قلي في الشركة عندهم اجهزة تبين مكان الخلل
    ومايحتاج يدورو على الكيبل المقطوع
    شكلو العمال اللي يجو عندكم للصيانة بله مغفلين يمكن يجيبو مفك ابو لمبة ويتبعو الكيبل سنتي سنتي

    الله يرحمك ياجفاااااالي

    خد كاسة الكوجراتي روق دمك
    وازا مارجعت الكهربا علين العصر اديني خبر وماعليك




    يسير ادعي معاك عليهم
     
  3. بنت الضيافة

    بنت الضيافة تاجر محترف

    إنضم إلينا في:
    ‏5 مايو 2010
    المشاركات:
    1,452
    الإعجابات المتلقاة:
    0
    اخوي الله يكون بعونك على دي الحوسة بصراحة الا الكهربا والموية
    بس شكلو الشي موضة عندهم دي الايام عندنا قبل اسبوعين كان الوضع الله لا يوريكم
    المشكلة حتى لما يردوها ماتستمر الين ما تنحرق اعصابنا
    وربي كل شوية تنفصل والله في خلال دقيقة مرتين تلاته ورى بعضها تنقطع
    ونا اجري افصل الثلاجات والاجهزة لاني قد انقرصت منهم
    كنا مسافرين للمدينا واتاري الكهربا سوت عوايدها تفصل وترجع وتفصل وترجع
    لين ما خربت الفريزة الارضي ولما رجعنا اول ما فتحناها جرينا للشبابيك نفتح فيها
    وطبعا كل اللي في الفريزة اتعدم حسبي الله عليهم بس
    اخوي مكاوي كان الله بعونكم وشدة وتزول ان شاء الله
    وعليك بنصايح سيدي الدهليز ربي يسعدو خلاني اكركر من الصبحية ونا مالي نفس
    ربنا يسهل
     
  4. أبو أنس المكاوي

    أبو أنس المكاوي تاجر

    إنضم إلينا في:
    ‏24 سبتمبر 2010
    المشاركات:
    7
    الإعجابات المتلقاة:
    0
    لا ويقولوا كمان بيسسو عن قريب الربط الكهربائي مع مصر
     
  5. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0


    وعليكم السلام ورحمة الله وبركاته

    ياأخي ما نمت حتى أقوم على يدي الشمال

    هو أي نوم مع لسلسه الجو من الليل ما اشتغلت الا الصباح الساعه 6.30

    وبعدها قفلت الين الساعه 8.30 مرتين تروح وتجي اجهزتنا فلتت مع الكهربه الخايسه

    والله دائما اقولهم يوم تجي الفاتورة ما تتسدد في وقتها تفصلوها ولما تنفصل الكهربه منكم مافي أي مشكله مدام المكينه بتكبس فلوس ونسدد منها

    والله لا مويه ولا كهربا وجارنا على الاكسجين مأنفصل عنه يوم كامل وأمس الى اليوم برضو

    خزان السطح انتها هيا كيف نجيب مويه ؟؟

    خليها على الله

    لكن إن شاء الله حبايبي في عكاظ أمس كان معانا لقاء معهم لكن انشغلوا واليوم اتصلت عليهم من الصباح لكن ان شاء الله خير
     
  6. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    الله يعنيك اختي الكريمه

    اكثر من جنرال في التحمل ؟

    مكيفين راحت فاشوش بسببهم


    هذا كلامي اين الرقيب ؟؟؟؟؟؟؟
     
  7. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    ربطهم الله مع العفاريت
    خليهم اول يقضوا على الأعطال والكباين اللي لها اكثر من 30 سنه

    والكيابل اللي مدفونه لها اكثر من 30 سنه ايضا

    ويقفلوا كشافات المخططات الغير مسكونه اللي اصحابها من الطبقة المخمليه ليخففوا الاحمال
     
  8. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    :021::021::021::021::021::021:

    شر نوووووووم
    باين عليك مارقدت

    كان طلعت في السطوح تحت الدش وفرشت النامسية وخليتها الم نشرح

    اهوه داعتو نتزكر الايام الخواااااالي بس لاتنسى المراوح الخصف

    الله يكون في عونك وبالزات جارك المريض الله يرفع عنه من جد

    والله حبايبنا اللي في الكهربا مهم دارين اللي مرييض والا اللي بيفرفر
    ولاهم سائلين عن احد مات البعيد والا انقرن والا جاتو الكفية في عمره

    والله واحد من الجيران يوم الغشنة يقلي عندي تلفزيون ب10 الاف ريال قيمته
    انحرق ومسويلو قلك دولاب وفرميكة زي حقت اهل اول الخشب

    ولا اعطوه قرش
    ردو عليه ببساطو وبلاهة
    احنا يعني بالعنية قطعنا الكهربا والا قاصدين امر الله وصار :ang:

    من جد ملاعين يلفو ويدورو ويدخلو الهرجة في الدين علشان الناس تسكت وما تتكلم

    طيب تعال انت على هو وياللي مسوي دين ومني داري هو دين والا تين

    الله ماقال تسيبو الكباين حقت الكهربا بالسنين ما تغيروها
    كلكم راع وكلم مسؤول عن رعيته

    وانتو ياشركة الكهربا مسؤولين امام الله على الامانة هادي
    وان شاء الله يوم القيامة امسك في رقابكم وافقعها قدام امة محمد

    وياللي بيقول الدين
    اقله ربنا ماقال
    ايام البراد اقعدو العبو اصطفت وكبت
    ليش ماتخلو الصيانة والتقوية في الشتاء والبراد داعتو الواحد
    لو انقطعت الكهربا اسمنو الجو بارد
    اعصابنا تكون رايقة وباردة وحتى الاكل في التلاجات والفريزة مايخرب
    ومايحلالهم الشغل والتقوية الا في عز الحر
    زي قولة والله علشان تعرفو قيمتنا :p

    يايعني يحملوك جميلة كدابة

    طيب لو ما نحنا مشتركين في الكهربا حقتكم ماكان جاتكم فلوس :p5088:
    ولو مو المشتركين اقعدو ساعتها بالكهربا حقتكم اشبعوبها
    وامزحو مع بعضكم بيها



    حبيبنا ابو ا نس نورنا الله ينور قلبك بالايمان
    ايشكلو هادي كمانة ربط الكهربا مع مصر
    يعني يشبكو الكهارب سوى
    الله يعين على الحفريات من السعودية لمصر
    ويمكن البحر يشقوه بالنص ويسوو حفرية
    بس الموية والكهربا ما تتفق
    ياعمي اسكت ولا تجيب لهم سيرة
    ايش ديتها تلاتة ايام وشوية كراسي وعليا البحمبص والششني


    اختي بنت الضيافة مرحبابك ربي يسعدك
    ماشاء الله دوبو غلق العيد عندكم
    زمان ما شفناكي
    قلت يمكن الادمية طفشت من الضيافة والحجاز
    سمي نفسك بنت سويقة احسن

    ياستي الله يديم الفرح والامبساط على الجميع
    الواحد ليش يضايق ويعصب الدنيا مهي مستاهلة
     
  9. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    برضها عكاظ بعيدة كان شفت الندوة جمب شركة الكهربا

    يقلك لمن نسوي خبر صحفي او تحقيق
    لازم بشكة اوادم يكونو موجودين

    ايام الغشنة اللي صارت زمااااااااان
    قلي البشمهندز طلال قشقري وعلي العميري في جريدة المدينة في ناس يطلعو ويصرحو

    وتجي تدور ما تلقى احد كل مين ينفجع ويسك باب بيته يقلك مالي ومال :p5088:

    يالله ربي ينصرك عليهم

    وحكاية الترشيد
    ماضايقني الا كلام واحد من مسؤولين الكهربا في رمضان
    المساجد تهدر مدري كم في المية من الكهربا في المملكة
    يعني ضاقت عيونه على المساجد وبيوت الله
    مو باقي الا يقول الحرم ياخد كهربا كتيرة ولازم نسوي فواتير يسددوها المصلين والمعتمرين :ang:

    زي ما اتفضلت حضرتك في مخططات مسرجة زي الضهر ومافيها احد
    المدارس واهم حاجة الدواير الحكومية والجامعات الكهارب شغالة والمكيفات
    شكلهم مشغلينها علشان لاتسير كشة ويسكنوها الجن

    وربي ييسر امرك وترجع الكهربا

    بس بدي اسأل الاخوان او الاخوات اللي عنده معلومة عن الطاقة الشمسية
    يمديني اشتري الجهاز اللي يجيب الكهربا عن طريق الشمس وبكم قيمته
    داعتو الواحد يطفرطح على كيفو وما ناخد جميلة من احد
    بس المشكلة ازا صادف واحد يوم غيم :p5088:
    يعني تنقطع وننهلك والا كيف
     
  10. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    والله انا من الناس اللي ما اخاف مادام اني على حق

    والحق أحق ان يتبع

    والله ينصر راعي الحق ولو بعد حين

    أنا نشرت في الجريدة اكثر من مرة عن امور مخفيه عن الإدارة اللي أعمل بها
    و تأكدوا منها وحلو المشكله على طول ما يبغالهم الا اللعلعه بس على حق اهم شئ

    أما شغله الترشيد والله سمعت انهم اتهموا المساجد وقالوا اكثر هدر منها

    والله هدول العلمانيين واللبراليين ضرر على المسلمين اكثر من اليهود لانه يتكلموا بالسنتنا وأنهم يبغوا مصلحتنا وهم ابعد ما يكون عن الحق

    أين المخططات وحتى مزدلفه وعرفه ومنى واله طول السنه ليش ينوروا للجن والشياطين ؟؟

    شوف المدارس ملزمينهم بدوام لشخص او اثنين او المدرسين شهر بدون طلاب ولا شغله ولا مشغله ولا إيجازة يروحوا يناموا مادام انتهت اعمالهم

    كم مدرسه في السعودية شغاله كلها من اولها لأخرها ومافيه الا كم شخص ويجتمعوا في غرفه وحدة والا اثنين هل هذا الهدر والا المسجد او الاثنين في الحي ويصلوا التراويع لمدة ساعه او ساعه ونص و4 فروض ثانيه لمده نص ساعه لكل فرض

    شوف النتانه فين وصلت لا ويقولوا مسلمين ولو قلت له قوم صلي يقلك الدين كله صلاة أنا اخلص شغلتي واقوم اصلي هنا في مكتبي !!

    ما شافوا الجامعات مسرجه على قولك حتى في الاجازات !! ليش التبذير هذا ؟؟

    إن شاء الله اليوم متفق مع صحفي جاي يصور ويحوي الخبر ويشوف ملاحظات الشركه اللي متعديه على الناس والطرق وإذا نزل الخبر ان شاء الله اشعرك به
     
  11. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0


    المشكله بياخذوا عليها اجر

    وخيرهم من بعد الله من جيوبنا ياكلوا خيرنا ويتأنتزوا علينا

    زي الاتصالات سارقه خيرنا وشايفين نفسهم ملائكه الله يعز الملائكه منهم

    صار بيني وبين وموظف في شركه الاتصالات قبل 5 سنوات قبل ما احول من عندهم وانقل كل الخطوط ما عدى الثابت مافصلته لسع وناوي عليه وأحول لجول

    المهم ما عجبني اسلوبه قلت له لو مو خيري وفلوسي ما كان لقيتك ترد عليا

    ونفس الكلام اختلفت مع موظف في البنك الأهلي والمشكله انه ولد احد المعارف ولكن ما يعرفني ومدرس سابق الاب طبعا
    وقفت البنك على رجل لو مو فلوسي عندكم ما كان جلست على هذا الكرسي طبعا انا عود من حزمة فلوسنا كلنا لو ماهي في البنك ما كان فتحوا فروع

    لكن الشكوى لله مذبوحين على غير قبله ومذمومين
     
  12. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    ابشرك أخي الدهليز ولا يهون الجميع

    تم تصوير الحادثه اليوم وأنهينا جميع الأمور المتعلقه بالميدان من تصوير وما يخص التجاوزات

    وباقي الأن صور الخطابات وارقام البلاغات وبعض صور التجاوزات السابقة

    التي صورها الجيران وتوقيع ممن تعدوا على بيته ووصلوا الكيبل من وسط بيته وأنحرق الكيبل في بيته وهو لا يعلم ولم يشعروه بذلك

    وإن شاء الله سأوصل المشكله لأعلى سلطة لو لم يجدوا لنا حل جذري

    فأنا إن شاء الله لن اسكت مثل الباقين ومعي حق والحق أحق ان يتبع

    وهذا نداء لكل من تقابله مشاكل من اي وزارة او ادارة لايسكت عنها ابداً ولا يخاف مادام هو على حق

    الوزارات كلها وجدت لخدمتك وبمالك ايضا حتى الأمارة لم توجد الا لخدمة المواطن

    فهذا حق من حقوقك فيجب ان تساعد في وأد الفساد بانواعه
     
  13. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة السميع وبركاته

    ياستر شامم ريحة شيااااااااااااااااااااااااااط يا مكاوي
    ايش جالس تهبب في الصبحية
    والا علشان اليوم جمعة والناس راقدة

    ياسيدي بارك الله فيك وفي جهود الاخوان اللي معاك هو هادا اللي لازم يصير
    وحدة هيلوووولة تخلي الرايج جي

    معقولة كيبل يمددوه في وسط بيت لاااااااا ومو سلك توصيلة كهربا حتى الواحد يقول
    كيبل وضغط عالي

    ياعمي ما اخليه يمشي وسط بيتي لو تنطفي مكة كلها
    الله لايقدر ينشعر ولا مع المطر والمويات تسير علوم وبلاوي زرقة
    وقبل كم سنة شوف العمود المكسور اللي راح ضحيته
    تلاتة بزورة
    بيتهم الاسفلت قدامه تعبانة والسكة مايلة والموية اتكعورت جمب العمود
    والعمود شرب من الموية علين كرع
    وانتشرت الكهربا في الموية اللي واصلة للحوش وخرجو قلك البزورة
    فرحانين يبغو يلمو موية مطر يسوو بها معدوس
    وتمسكهم الكهربا

    ويومتها في الجريدة قال الاب حيرفع دعوة على المواصلات
    لانها اهملت العمود على الرغم من البلاغات

    بالله كم عامود مايل ومضروب موجود في مكة

    قصرو خلي جارك يندر الكيبل مو وسط بيته
    اكيد الناس تقول مو كل البيوت فيها الكيابل الخاصة بها
    بس هديك الكيابل اللي واصلة للبيوت ماعليها ضغط
    لانه كل كيبل واصل للبيت فقط
    لكن كيبل الشركة كهربته عالية ويغذي المنطقة واقل ماس في اي بيت
    يجيب العيد

    اما بخصوص الموظفين اللي اتكلمت عنهم
    لازم دورات تدريب اجبارية وكتيرة على فن التعامل والتخاطب

    لانه بعض الموظفين كلامهم دبش وحماااااري

    فكرتني ببنك من البنوك حق الرياض
    اخد من الهوية ومدري فين نترها وضيعها
    واخدت فلوسي وقلتلو فين البطاقة يقلي اديتك هيا
    اقلو مو عندي يعابطني ويدخل في عيني
    والناس اللي ماسكين سرا يقولولي دور يكون حطيتها في جيوبك
    والا في شنطة الفلوس
    نكتها وصلة وصلة ومالقيت شي
    وهداك يحلف يقول اديتك هيا
    وفي الاخير قلي يالله خلاص روووووووح ورانا زحمة ومراجعين

    وبس ساعتها رميت الشماخ ووحدة تورة من اللي بالك فيها وكلها طوووووووووووووووووووووووط
    خليت المدير والموموظفين يدور عليها واترنها طايحة جمب الكمبيوتر والاخ مافيلو حيل
    يهز طول ويدور وتعال شوف المراجعين كيف يوايقو للموظف
    وانقلب وجه الموظف زي السمسم

    بس علشان كدة فهمت ليش البنوك يحطو لوح قزاز كبييييييييييييييييير بين الموظفين والجمهور
    لانه عارفين اللي موظفينهم عندهم يستاهلو ال ................
     
  14. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    وعليكم السلام ورحمة الله وبركاته

    مع الحر وقفل الكهربا

    كل الأمور اتلخبطت قلت بدايتها الشركه وما صار شئ

    وهذة ثاني خطوة

    وإن شاء الله باقي مرتب على خطوة ثالثه ورابعه

    لكن حبه حبه إذا ما اتجاوبوا معانا

    والله دافعين لهم فلوس الشغله ماهي منّه والا كرماً منهم والا بلاش

    بحقنا ليش نسكت

    حسبي الله على اللي يأذي الناس ويقتلهم

    مصيبه إذا شغلهم ما يكملوة او يسوه من اصله

    لكن فين يروح يوم الله

    أما البنوك الله لا يردهم والله صارت افلام بيني وبينهم كثير

    أخر الأفلام مع وحدة لبنانيه من البنك العربي تبغى تعلمني الحلال والحرام

    بخصوص بطاقة فيزا

    تجيك القصة بس خليني اقوم اصلي وأرجع ان شاء الله اكملها
     
  15. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    علبال ماتصلي تقبل الله
    لاتنسى تاخدني عند اللبنانية

    اول مرة ادري حريم يشتغلو في البنوك مدري في مكة
    قصدي حريم اجانب
    والا الاهلي في العزيزية والرياض في الستين فيلو حريم بس مدري اجانب والا لأ الله اعلم

    ياعمي الله يكفيني شر البنوك وفلوسهم وفوايدهم وبلاويهم
    خلينا عايشين على طريقة اول دكن فلوسك في بيتك
     
جاري تحميل الصفحة...

مشاركة هذه الصفحة