1. مرحبا بكم في أسواق ستي أكبر المواقع التجارية شعبية
    إستبعاد الملاحظة

مين فيكم اصلي ومين فيكم تقليد ؟؟؟

الكاتب: الدهليز, بتاريخ ‏28 سبتمبر 2010.

  1. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,635
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته
    صبحكم الله بالخير حبايبنا المكاوية
    مادام احنا في السوق جات في بالي فكرة وكلنا اتعرضنا لمواقف ان كنا حريم او رجال


    مين فيكم اصلي ومين فيكم تقليد ؟؟؟

    فكروا بالجواب وفي النهاية قولولي

    الأصلي والتقليد أو المغشوش

    اشياء بنسمع عنها في حياتنا في كل امورنا وشغلاتنا الصغيرة والكبيرة
    والا موووووو

    يعني احيانا الواحد بيكون مستور وماعندو يقوم يمشي حالو ويسترخص بالتقليد
    احيانا يمشي حالها واحيانا تسببلو مشاكل ويضطر يحط بلاااااوي كان يمديه ينكفي شرها
    لو اخد الحاجة الاصلية وعلى قولة المسل القديم ( يامسترخص يا متنغص )

    شكلكم منتو فاهميييين !!! مسلا

    * قطع الغيار حقت السيارات

    في أصلي ( حق بلدو ) وفي تقليد ( تايوند أو على قولهم علّق شلّق )
    هو صحيح في حاجات يمكن ندبرها تقليد صيني تايواندي ان شاء الله ماركة ابو كلب
    وفي شغلات مهمة مايمدينا نستغني عن الاصلي

    * الأجهزة الكهربائية

    برضو كمانة في الاصلي وفي التقليد زي الافياش واللمبات والتواصيل والاسلاك ووو
    بس الكهربا انا افضل الاصلي علشان الواحد يطمن يعني مرة استرخصت توصيلة بخمسة ريال جيبتها للبيت
    والله شكلها حلو ومرستك مابيها ضربة المهم فضلة خيركم اشتهينا كنافة ( الله يحيكم )
    شبكو سلك الفرن علبال مايحمى بس
    وشويتين الا التوصيلة طرطعت علين الفيش من كتر الحرارة لصق في الجدر وشوغلااااانة طويلة عريضة
    سكيت السكينة واشتريت فيش جديد وفكيت القديم المهم علين حرمنا البابوغلي على قولهم

    * الملابس والحوايج

    برضو كمانة في الاصلي وفي التقليد في بعض الأقمشة تخش ( تصغر ) من أول غسلة
    وفي شي منها يتبربخ ( يوسع ) مع الغسيل وبالزات الكوافي الشرك الصيني اللي الحبة تسوالها ريالين
    وفي كمانة بعض الأقمشة يتغير لونها زي الأحاريم القديمة اللي كانت تجينا نشتريها ونخمشها
    في الطشت شويتين اللون الاحمر كلو خرج في الموية زي كأننا دبحنا واحد
    ومرة على مرة يسير لون الإحرام بمبة وفي الاخير نسويه خروووق للمطبخ

    * الساعات

    في ساعات ابو 8 ريال وفي شي ب100 وفي 20 الف وخصوصا ازا كانت مزينة باللولو والترتر
    بالنسبة للساعات والله ماتفرق معايا المهم تكون شغالة واعرف بيها الوقت وخلاص
    أما شكل ديكور مدريشكلو مايعنيني قد كدة
    قيد خلاص راحت أيام الورورة

    حتى لو انقرنت الساعة وغالبا حجر نغيرلها حجر وازا لونها فصخ
    نلمعها باللماع والا نشتري وحدة اوسبير يسير تنفع

    * دبهرك الحريم والمكياج

    مرة سمعت انو في حمرة ب100 الاصباع الواحد !!!!
    يمكن الاخوات يفيدونا في دبهرك الحريم<?xml:namespace prefix = v ns = "urn:schemas-microsoft-com:vml" /><v:shape id=صورة_x0020_35 style="VISIBILITY: visible; WIDTH: 12pt; HEIGHT: 12pt; mso-wrap-style: square" alt="http://www.makkawi.com/forum/images/smilies/frown.gif" type="#_x0000_t75" o:spid="_x0000_i1041"><v:imagedata o:title="frown" src="file:///C:\DOCUME~1\4006\LOCALS~1\Temp\msohtmlclip1\01\clip_image001.gif"></v:imagedata></v:shape>
    بس بصراحة ماشفت علشان لا اكدب عليكم
    وفي كمانة من الرخيص شي ب5 وشي ب10 طيب هادا مايمشي الغرض
    هو معاكم يمكن اللون الأحمر يندر على قولهم ويبطش
    وهادي الشغلة بتسير قدامي

    لأنو لمن الحريم

    يشيلوني


    ويبوسوووووني <v:shape id=صورة_x0020_38 style="VISIBILITY: visible; WIDTH: 12pt; HEIGHT: 12pt; mso-wrap-style: square" alt="http://www.makkawi.com/forum/images/smilies/rolleyes.gif" type="#_x0000_t75" o:spid="_x0000_i1038"><v:imagedata o:title="rolleyes" src="file:///C:\DOCUME~1\4006\LOCALS~1\Temp\msohtmlclip1\01\clip_image004.gif"></v:imagedata></v:shape>
    ويخلو وشي كلو احمممممممر زي الشراكس والجواري <v:shape id=صورة_x0020_39 style="VISIBILITY: visible; WIDTH: 47.25pt; HEIGHT: 51pt; mso-wrap-style: square" alt="http://www.makkawi.com/forum/images/smilies/new/207.gif" type="#_x0000_t75" o:spid="_x0000_i1037"><v:imagedata o:title="207" src="file:///C:\DOCUME~1\4006\LOCALS~1\Temp\msohtmlclip1\01\clip_image005.gif"></v:imagedata></v:shape>


    فتحو عيونكم مع الصبح ربي يرضى عليكم ولاتجيبولنا سيئة :ang:

    قصدي
    لمن كنت صغير والحريم يسلمو عليا في الزقاق <v:shape id=صورة_x0020_42 style="VISIBILITY: visible; WIDTH: 12pt; HEIGHT: 12pt; mso-wrap-style: square" alt="http://www.makkawi.com/forum/images/smilies/biggrin.gif" type="#_x0000_t75" o:spid="_x0000_i1034"><v:imagedata o:title="biggrin" src="file:///C:\DOCUME~1\4006\LOCALS~1\Temp\msohtmlclip1\01\clip_image008.gif"></v:imagedata></v:shape>
    وساعات فناجين الشاهي والقهوة تتوسخ
    يعني يمكن الحريم ادرى مني في الحاجات هادي وأكيد مرو بتجارب وقصص بعيدين يتفضلو ويحكونا

    * البويات ( للسيارات أو للبيوت )

    برضو كمانة في انواع في التركي وفي الوطني وفي الامريكي والدنمركي ( لعنة الله عليهم )
    بعض السيارات او البيوت اليوم تضربها بوية بعد ستة شهور سنة بالكتير تلاقيها لونها قلب
    وخصوصا عندنا في مكة الله يعمرها ويشرفها حرااااااارة تاكل البويات اكل

    * مفروشات البيت ولوازم المطبخ

    برضو كمانة في الصحون الصيني والشينكو والتوتوا شي يصدي وشي ينطق البعيد مع الحرارة
    وشي تفلتو من يدك ماينكسر وشي يهبب مع النار والدوافير وشي يحرق الاكل وشي الاكل يلصق فيه
    وفي شغلات تمشي الحال

    * الخوااااتم

    في كمانة الاصلي والتقليد في العقيق والسليماني والزمرد والزبرجد والزركون
    وفي كمانة الفالصو يمكن شغلة الخواتم اديكم طريقة سهلة تكتشفو بيها
    انو الفص الموجود اصلي والا يمشي حالو

    جيبو منديل ورق افردوه على نفس الفص مزبوووط بعدين لمو المنديل وكمكموه على الفص
    يعني يتكون عندكم
    طبقة من المنديل على الفص بعدين جيبو ولاعة وولعو المنديل ان كان الفص مزبوووط
    المنديل مايولع علين الصبح اللهم يسير لونو اسود طبعا السواد من الهباب حق الزند او الولاعة
    وفي طريقة تانية تجيبو شعرة من جلد الخنزير ( ويا مكترهم ) أي شعرة واحرقوها على الفص ازا انحرقت معناتو الفص تقليد وازا ما انحرقت يعني مزبووووط

    * وبرضو كمانة البشر والناس اللي حوالينكم

    مما علمتنا الحياة الرجاااال معادن في رجال اكتر من الاخوان ( أصلي )<v:shape id=صورة_x0020_43 style="VISIBILITY: visible; WIDTH: 62.25pt; HEIGHT: 39.75pt; mso-wrap-style: square" alt="http://www.makkawi.com/forum/images/smilies/new/205.gif" type="#_x0000_t75" o:spid="_x0000_i1033"> <v:imagedata o:title="205" src="file:///C:\DOCUME~1\4006\LOCALS~1\Temp\msohtmlclip1\01\clip_image009.gif"></v:imagedata></v:shape>
    يوقفوا معاك في الزنقات والضيقات
    وفي رجااااال البعيد اندال ( تقليد ) <v:shape id=صورة_x0020_44 style="VISIBILITY: visible; WIDTH: 12pt; HEIGHT: 12pt; mso-wrap-style: square" alt="http://www.makkawi.com/forum/images/smilies/mad.gif" type="#_x0000_t75" o:spid="_x0000_i1032"><v:imagedata o:title="mad" src="file:///C:\DOCUME~1\4006\LOCALS~1\Temp\msohtmlclip1\01\clip_image010.gif"></v:imagedata></v:shape>
    حتى السلااااااام حق ربنا مايرموه عليك لو غلقت مصلحتهم من عندك

    ونفس الشي الحريم في منهم اصلي وفي منهم تقليد
    بعضهم ماشاء الله ما يتكنسو من قدام المراية
    ليل نهار وهم جالسين يسمكرو ويصبغو وجههم حتى يطلعو حلوين
    يعني لو مو الاحمر والاخضر والافلاطوني ماتعرفها هيا حرمة والا هول الليل<v:shape id=صورة_x0020_45 style="VISIBILITY: visible; WIDTH: 49.5pt; HEIGHT: 49.5pt; mso-wrap-style: square" alt="http://www.makkawi.com/forum/images/smilies/new/226.gif" type="#_x0000_t75" o:spid="_x0000_i1031"> <v:imagedata o:title="226" src="file:///C:\DOCUME~1\4006\LOCALS~1\Temp\msohtmlclip1\01\clip_image011.gif"></v:imagedata></v:shape>
    على العكس بعض الحريم حلوين ماشاء الله من غير مكياج يعني جمال ربااااني ( أصلي ) مو مزيف



    وفي الاخير دخل الغش في الاكل

    * البيض مسلا

    في الاصلي ( البلدي ) وفي كمانة بيض الحرام :021:<v:shape id=صورة_x0020_47 style="VISIBILITY: visible; WIDTH: 36pt; HEIGHT: 24pt; mso-wrap-style: square" alt="http://www.makkawi.com/forum/images/smilies/a26.gif" type="#_x0000_t75" o:spid="_x0000_i1029"><v:imagedata o:title="a26" src="file:///C:\DOCUME~1\4006\LOCALS~1\Temp\msohtmlclip1\01\clip_image013.gif"></v:imagedata></v:shape>
    ( اللي يجيبوه من غير ديك ولا دجاجة او دجاجة لحالها شغل فقاصات يعني ) يعني زمان الدجاجة كانت ترمي بيضتين
    تلاتة مو زي دحين بالكيماوي يخلوها تجيب بالعشرين والتلاتية
    يا يعطوها ابر او يرموها وسط 100 ديك :052:
    ويقولو البيض المزبوط لو حطيتوه في كروانة مليانة موية يغطس لكن البيضة اللي يمشي حالها
    تعوووووم على الوش وبرضهم يقولو الاصلي لمن ينسلق يتقشر قوااااام

    * الخضرواااات والفاكة

    مسلا الرجلة الملوخية القوطة
    زمااااااااااااااااان كانت لها مواسم وكنا نتشوقلها من الموسم للموسم
    لكن دحين طول ايام السنة نفس الخضار موجودة وما تنقطع
    ونفس الشي الفواكه كلللللو من البيوت المحمية وضرب الابر حتى الحبحب
    صارو يلعبو فيه الله يلعب قلوووووبهم
    لا بقدونس لاكزبرة لا شبت لاكوريرة كللللها طعمها مااااتق وماصخ
    مو زي زمان الريحة لحالها تعبك البيت والمركب مو زي دحين ماتشمو ريحتها الا لمن تخمج البعيد

    * السمن البري

    في كمانة الاصلي والتقليد
    وياسلاااااام على الفول مع السمن والا مع المقادم والا مع مرقة الهوااااا والا صحن حمبص شي يبكي
    وفي كمانة السمن المغشوش
    بس يقولو المزبوط زي حق زمااااااان لمن تغلق الاكل بطلوع الروح حتى تروح الزفرة من يدكم
    يعني تغسلوها بالجافيه والبرسيل وياااالله تندر الزفرة
    لكن دحين لو مسحتو يدكم في خرقة خلااااص مايحتاج موية وصابون

    * العسل ( الله يحلي ايامكم )

    كمانة في الاصلي والتقليد
    شي يخلطو معاه موية وسكر
    شي يحطو عليه قطر وشي يحطو معاه شيرة
    وبعضهم يضحك على اخت النحل ويجيبلهم بيبسي والا كاكولا المهم حاجة حلوة تمصمصها النحلة
    شي الكيلو ب300 / 400 وشي الكيلو 100 وشي الكيلو 90 وشي 15 ريال كللللو على حسب الغش
    طيب تعرفو تفرقوا بين الكنافة و.........
    قصدي تعرفو تفرقو بين العسل المزبوط واللي يمشي حالو والا على قولهم كلو عند العرب صابووون

    طيب علشان تفرقوا بين العسلين

    يقولوا العسل المزبوط مايجمد في الفريزر لو قعد علين تقوم القيامة
    وبعضهم يقول المزبوط تكبو على الرملة يسير زي المكعبات او الكور يعني حبيبات تنخلط بالتراااب
    وبعضهم يقول المزبوط لو غمست عود كبريت وولعتو بولاعة ازا ولع العود معناتو مغشوش
    وبعضهم يقول تجيب ملعقة وتشيل من العسل وتكب الملعقة يعني تميلها
    لو انقطع الخيط حق العسل تعرف انو مغشوش

    وبعضهم يقول العسل ماينحرق على النار
    وبعضهم يقول العسل الأصلي مايدوب في الموية الباااردة

    *جواب السؤال اللي في اول الموضوع
    مين فيكم اصلي ومين فيكم تقليد ؟؟؟

    يعني مين يحب الحاجات الاصلية ومين يحب الحاجات التقليدية
    وأيش اللي خلى الناس تكره التقليد مع انو ارخص واحيانا يمشي الحال طيب الصين اكبر دولة عاملة وصانعة كل عوايزهم من انتاجهم
    طيب لوووووووووووووو فرضنا السعودية صارت تصنع سيارات واجهزة كهربائية
    هل تشترو الوطنية والا برضكم تروحوا للأصلي يعني عقدة الخواجة ماسكة معانا ؟؟؟
    أقرب مساااال عندكم المكيفات حقت الزامل سعودية لكن محد يشتريها واللي اشتراها صار يسب فيها

    لاتنسونا من دعواتكم والموضوع مفتوح للجميع
    جلسنا نمخمخ في الموضوع من زمااااااااان وكل يوم نكتب شوية لحد ما انتهينا
    وفي امان الله
     
  2. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    أنا تقلييييييييييييييييييييييييييييييييييييد !!

    أجيكم شويه

    ترى ماقرأت لكن شفت أصلي وتقليد حسيت إني تقليد ههههههههه
     
  3. كوكلي مول

    كوكلي مول تاجر محترف

    إنضم إلينا في:
    ‏12 ابريل 2009
    المشاركات:
    1,802
    الإعجابات المتلقاة:
    0
    موضوعك حلوووو
    بالنسبه لي الاصلي له وقت والتقليد له وقت
    يعني احب اجيب الاصلي بس احيان الميزانيه ماتكفي فاستبدله بالتقليد(اني جبته ورضيت نفسي ومشيت حالي فيه):p5088:

    ويااما شريت تقليد ويخرب وبالاخير ارجع للاصلي=لو شريته من البدايه مو اريح لي؟؟؟:D

    يعني الاصلي ياسلام عليه
    بس زي ماقلت الميزانيه تتحكم كثير ....

    وبعيد عن الاصلي والتقليد=الواحد يمشي ورى تجارب غيره يعني قبل اجيب الشي اسئل عنه مرات يكون الشي اصلي وغالي بالحيل وله بدائل رخيصه لكن انواع ويجيك مجرب نوع جيد ورخيص ف على طول اخذ برايه واشتريه وانا مرتاحه واوفر باقي فلوسي...:clapinghand:

    =هذي مشاركتي بختصار ولو بدخل بمعمعة الاصلي والتقليد كان الشرح يطول..

    تحياتي للجميع
     
  4. ليمو جدة

    ليمو جدة حيث التميز والإبداع

    إنضم إلينا في:
    ‏29 سبتمبر 2009
    المشاركات:
    713
    الإعجابات المتلقاة:
    0
    أولا أسعد الله صباحك يا جدي الدهليز :)
    موضوعك أروع من الرائع ...:clapinghand:

    أنا واعوذ بالله من كلمة انا أحب الأشياء الأصليه في الأجهزه الكهربائية مثلا والأدوات المنزليه عموماً...:p5088:

    لأنها تعيش سبحان الله ومافي منها ...:clapinghand:
    أما في الملابس مثلاً دحين صار التقليد أحسن من الأصلي...

    مره أشتريت بلوزة بهاديك القيمه وجيت اتمختر وفرحانه بيها :p5088:
    بس داومت بيها يوم واحد وغسلتها على يدي لأن امي زكنت عليه...
    والله وعيونك ماتشوف إلا النور بخت الألوان اللي عليها ودخلت في بعض:214::214: لو جنبنا مهرج كان اهديتو هيا:021::021: بس الحمدلله ...

    بس لو جينا للمعقول الأصلي في شيئ تلاقي ما في أحسن منو ... والتقليد أحيانا يغلب على الأصلي ب37 درجه.
    تقبل مروري وأتمنى يكون رأيي منطقي:052::052:
     
  5. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    شكلك كنت ربش وانت صغير علشان كدا الحريم يسلموا عليك ويعضوك في خدك
    هههههه

    اما من ناحيه الغشش في المواد الإستهلاكيه فهذا وارد وأنامن الناس ابعد عن الأدوات الكهربائية المقلده لأنها تسوي مصيبه لا سمح الله

    والبويات وغيرها إذا الحال ميسور آخذ الأصلي لأنه بيدوم أكثر من التجاري

    وحتى الصيني درجات الان صيني تلاقيه ب 10 ريال ونفس الحاجه او السلعه ب 100 ريال

    لكن جودة الإيطالي او الانجليزي تلاقيها فيه

    لأنه لو قلت لبعض الناس صيني ب 100 ريال يقول انا مجنون أشتريه أما قله في ب 10 ريال يوقول هات ابو 10 ريال

    أما إنجليزي لو قلتله ب 130 ريال ما يفكر يقول هات مع العلم الخامه اختلفت الجودة ماهي نفسها

    والأكل وما أدراك عن الأكل

    كله مصبر وكله سموم داخله أجسامنا الطماطم كله كلور وبلاوي الورقيات بودرة

    الخيار ماله ريحة زي الخشب صار والحمد لله على النعمه

    أما البيض وما ادراك مالبيض تفك وحدة تشم ريحتها من عند الباب

    فين البلدي ماله ريحة زنخه زي هذا اللي كله كيماوي

    وايضا الدجاج البلدي عمرها 4 شهور تشوف اللحم والعظم ابيض أما فقيه وغيرة تشوفه زي القطن كله هرمونات نفخ وعمر الدجاجه 35 يوم تقول ديك رومي

    والعسل الله لا يوريك مناحل قايمه على البيبسي والميراندا وخيشه سكر

    وهات يالطخ في الناس

    خليها على الله كل شئ صار صناعي حتى الأكل كله أمراض

     
  6. naif33

    naif33 تاجر

    إنضم إلينا في:
    ‏3 سبتمبر 2009
    المشاركات:
    48
    الإعجابات المتلقاة:
    0
    أنا بصراحة اصلي بارادتي وتقليد غصباً عني ..

    يعني احاول اخذ الاصلي والبلدي بقدر المستطاع ،،، لكني أضطر الى التقليد لسببين اول شي مافي غيره والثاني انه غالي ولايسوى نصف سعره ويكون حاجة مهي مهمة ولاتأثر على الصحة ..

    لكن بيني وبينك بالنسبة للبشر واخلاقهم وحياتهم وتصرفاتهم تتجه بسرعة من الاصلي الى التقليد في هذا الزمن .
     
  7. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,635
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته

    مساكم الله بتوب الكعبة

    فين الناس ترى ياجماعة الموضوع على بساط احمدي
    مافيها حيا ولا كسوف ومايبغالكم عزيمة

    اللي ما يبغى يشرح ويتكلم كتير بس على القليل يقلنا ايش يحب الاصلي والا التقليد

    ولمن تنتهي ردودكم اعطيكم النوادر والمواقف اللي حصلت بسبب الاصلي والتقليد ازا افتكرناها
    واولها الكنافة اللي بغيت تقضي علينا لولا ستر الله

    راجعلكم ان شاء الله
    شكلو قاعدين تجلدو الدفاتر والكتب ومنتو فاضين
    واللي رايح المكتبة وسراااااااااااا ليوم السراااااااااااااا

    كان الله في عون الجميع
     
  8. وطني حر

    وطني حر تاجر

    إنضم إلينا في:
    ‏16 سبتمبر 2010
    المشاركات:
    53
    الإعجابات المتلقاة:
    0
    الحياة تجارب اخوتي الاعزاء واشكر الدهليز

    هناك اشياء تفرض نفسها على الشخص . وبعض الاشياء الاشخص يفرضها على نفسه :d

    ان من الامور التي يجب على الشخص ان يتوقف عندها ولو كانت الظروف المادية لاتسمح فمثلا منا من يركب لكزز ومنها من يركب هونداي فمد الرجلين على قد الفراش .

    مثلا: الاجهزة الكهربائية وخاصة التواصيل فانني انصح الاخوان بان تكون من النوع الممتاز مع التأكد ان التوصيله مثلا لها 6 منافذ... نعم هي لها ست فتحات ولكن ماهي الاجهزة التي ستشبك عليها ؟
    امور في غاية الاهمية ... كما ان فيش الكهرباء في جدار المنزل ايضا له قوة تحمل ايضا فلايأتي بفيش مكيف يقارنه بفيش مكنسه .. كما ان الاسلاك فيها 1ملم الى 6ملم وهو خاص بالتكييف ..

    بالنسبة للقطع سواء كانت اجهزة كهربائية او سيارات أو غيرها ... فعليها ملاحطة ان القيمة + مظافا اليها اجرة اليد = .... مبلغ معينا وقد يكون احيانا ما يأخذه صاحب الصنعه اغلى من قيمة القطه ... فانت اخي انظر من هذه الزاوية ايضا .

    بالنسبة لفرامل السيارات والاذرعة فانني افضل بل اطلب من اخوتي ان تكون اصليه هي والكفرات لان هذه يترتب عليها ارواح اناس ... وما تفرق فقد ركب السائق لدي فرامل سيارة مقلد فلم يمضي اسبوع تقريبا الا السيارة تصفر قلت له لماذا هذا التصفير ياولدي ... قال الفرامل .. قلت له اليست قبل اسبوع نحن مركبينها ... قال بس هذه تجارية ... على الفور طلبت منه استبدالها وحذرت من العودة لمثل ذلك ...

    كذلك كفرات == الرجال والنساء === يجب ان تكون اصلي .. وحتى لايغرك شكلها فتأتي في حفله وامام الناس بفتبنشر بك ... فشيله يا اخوان .

    بالنسبه للملابس فمعليش لكل حجرة اجرة .. ولكل شخص منا قدره ..

    تحياتي على الاختصار وشكرا للجميع
     
  9. نونا؟

    نونا؟ تاجر مميز

    إنضم إلينا في:
    ‏9 مارس 2010
    المشاركات:
    970
    الإعجابات المتلقاة:
    0
    انا مابين الاصلي والتقليد
    في اشياء مستحيل اخذ منها تقليد وخصوصا المتعلقه باجهزة الكهربه واللي متعلقه بالبشره من مستحضرات التجميل والكريمات يعني اعرف بنات ياخذوا مستحضرات التجمل من ابو ريالين للاسف
    بس في اشياء ممكن اتنازل واخذ من الرخيص خصوصا اذا كانت ماراح تضرني زي منضمات الدواليب والحمامات ((وانتوا بكرامه)) والكرستالات وادوات التنظيف للبيت زي ممسحة الارض يعني على طاري الممسحه مره اخذت ممسحه مره معروفه اللي لونها موف اخذتها من شركه معروفه والله مو فاكره هيا انتروود ولا يومارك حاجه زي كذا وماخذتها ب 180 وربي ماكملت معايا السنه وان ماخاب ضني ماكملت حتى 6 شهور تكسرت واشتريت التقليد منها ب 25 وماشاء الله ليها معايا سنه ونص
    يعني بأختصار في اشياء يناسب معاها التقليد ومفي اشياء ماينفع تكون مقللللللللللللللده
     
  10. جنان الدنيا

    جنان الدنيا الحمدلله دوم

    إنضم إلينا في:
    ‏22 يونيو 2010
    المشاركات:
    143
    الإعجابات المتلقاة:
    0
    موضوع رائع فعلا

    ولي عودة ان شاء الله

    ولكن احببت رفعه لعموم الفائدة
     
  11. -ملامح شرقيه-

    -ملامح شرقيه- تاجر محترف

    إنضم إلينا في:
    ‏21 أكتوبر 2009
    المشاركات:
    1,868
    الإعجابات المتلقاة:
    0
    الوظيفة:
    0535804106
    الإقامة:
    مكه المكرمه
    السلام عليكم ورحمة الله وبركاته
    الله لايحرمنا من مواضيعك المميزه
    انا بصراحه اصليه 100%
    بس ايش نسوي بطمع التجار الي حدنا للتقليد
    بالنسبه للملابس النسائيه
    نشتريها من الماركات على قولتهم بذيك الحكايه وما تاخذ شهرين الا التاجر نزل عليها خصم 50 % واتباعت بتراب الفلوس طيب مدام انك كسبان في الحالتين خليك على طول اسعارك مهاوده
    وذحين محلات ماركات العشرين ولبسي ماركه تبيع القطع على 10 و20 وهي ماركات معروفه بسعرها الخيالي؟؟؟
    لاكن الا الادوات الكهربائيه لازم من الاصلي
    والمكياج لازم من النوع الطيب عشان ما تنعدم البشره
    والاكل وما ادراك مالاكل المصيبه الكبيره شركه لحليب الاطفال قديمه ومعروفه
    طاحنه مع الحليب حشرات وصراصير الله لايسامحهم وين الرقابه عنهم!!!!
    وقبل كم سنه فئه من البشر يزرعون الحبحب بموية المجاري اكرمكم الله ؟؟؟
    الأن الغش والخداع دخل في كل شي مع الاصلي والي موا اصلي
    مافي لاذمه ولا ضمير لاكن نقول كلمه وحده "حسبنا الله ونعم الوكيل" في الي مايخافون الله
    ولكم خالص الشكر والتقدير...
     
  12. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,635
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته

    الله يصبحكم بالخير جميعا ويارب تكون بصحة وسلامة وعافية

    الله يهديك يامكاوي دايما مستعجل تلقط الكبيبة من فم القدر
    اقرا ومخمخ وبعدين رد علينا

    راجع لبقية الحبايب اللي شرفونا

    بس خلينا ناخد لنص ونرجع لكم ان شاء الله :p5088:

    حال السوق يقول

    الاصلي :clapinghand:
    التقليد :eek:
    المستعمل :(
    المصروق :ang:
    وايش في كمان من المسميات اللي يعرف يفيدنا
     
  13. ام عبد الاله1433

    ام عبد الاله1433 اللهم ارزقني رزقا حلالا

    إنضم إلينا في:
    ‏28 مايو 2010
    المشاركات:
    5,838
    الإعجابات المتلقاة:
    0
    بصرراحه الااااصلي لبسس ومكياج وواشيااء خااصه فيني اافضلها اكثر ووماابي غيرها
    لكن التقليد ااذا كان تماام وويمشي الحال مثلا للبيت عاادي لان فتره ويتغير

    يعني بكذا نصي ااصلي ونصي تقليد ههههههههههه

    وويعطييك العاافيه على هييك مووضووع
     
  14. ام ميسومة

    ام ميسومة تاجر

    إنضم إلينا في:
    ‏14 يوليو 2010
    المشاركات:
    89
    الإعجابات المتلقاة:
    0
    انا عن نفسي احس بالاجهزة لازم الاصلي واخذ الارخص لان فيه ماركات زي مثل الخلاطات فيه من الف وفوق مع العجانه وانا شاريه 6 في واحد ماشاء الله لها سنتين وشغاله
    اما بالنسبه للملابس انا افضل الرخيص لان السعوديات بنات نعمة لبسه وحدة وماتتكرر انا استغرب من اللي يركضون ورا الماركات ويدفعون دم قلبهم فيها واخر شي لبسه وحدة انا اشتري ماركات بس اختار الوقت اروح وقت التخفيض والضيافه ماشاء الله في اوقات ترخص دايم اخذ جزم بنتي منها وماتكلف 15 ريال من سمول سايز واخر مرة رحت على العيد وحصلتها ب60 ريال وكمان سيتي ماكس يكون عندهم تخفيضات بدل ماخذ لبستها ب200 اخذها وماتكلف 70 ريال من نفس المحل
    انا الاحظ الناس بس بالمظهر اصلي وهم بداخلهم تقليد لان الواحد ماهمة الا المظاهر وان الناس يمدحونة يؤة فلانه شرت ب700 للعيد على بالهم يصيروا ملكات وهم اصلا كحيانين ومنتفين ويضغطو على حالهم
    اما بالنسبه للمكياج اختار الشركة المضمونه وفي محمود سعيد اللي بالستين اشياه كلها مضمونه واحسن من مكياجي وبودي شوب ونكتار
    اما بالنسبه للاكل ذبحونا بالاشياء المفيدة ولازم ناكلها وهي بالاساس تقتلنا مع الايام
    يالله ياخضار وفاكهة زمان كان لها طعم ونكهة خاصه
    بهذا الزمن
    نجيب المرض لنا ولعيالنا كل شي كيماوي يابخت اللي عندوة مزرعه يعرف طبيعه مزرعته وياكل منها وهو مرتاح
     
  15. مؤسسة الموسى التجارية

    مؤسسة الموسى التجارية تاجر محترف

    إنضم إلينا في:
    ‏7 مارس 2009
    المشاركات:
    6,007
    الإعجابات المتلقاة:
    0
    الإقامة:
    مكـ 0542192179 ـة جوالي الجديد "للنساء فقط" أم باس
    هههههههههههههههههههه

    الله يسعدك وين مارحت يا كشتنا
     
جاري تحميل الصفحة...
المواضيع المشابهة التاريخ
اكسسوارات طقم نسائي ماركه اصلي ‏الجمعة في 01:22
اكسسوارات شنط ماركه اصلي ‏الخميس في 19:11
أجهزة عرض جهاز ديل 450ريال اصلي ‏3 ديسمبر 2016
أجهزة » عرض جهاز ديل 450ريال اصلي ‏26 نوفمبر 2016
أجهزة عرض جهاز ديل 450ريال اصلي ‏24 نوفمبر 2016

مشاركة هذه الصفحة