1. مرحبا بكم في أسواق ستي أكبر المواقع التجارية شعبية
    إستبعاد الملاحظة

ام عريس مكااااااااااااااااوية

الكاتب: المكااااوي, بتاريخ ‏24 سبتمبر 2010.

  1. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    من كتاب لفيت السبع اللفات
    أدور حكم والألغاز وحكايات
    للأستاذة/ عزيزة عبدالله الصيرفي



    خلص ولدي الدراسة الجامعية .
    أتوظف وأستلم المهية.

    قلنا ندورله العروسة إللي هية.
    مؤدبة وحلوة ومصلية.

    سألت عن بنت حلوة ومتربية.
    قالوا لي : روحي زواج بنت عمك صفية.
    تلقي البنات بالعشرات والمية.

    رحت الزواج ويا لله يا لله ...إيش شافت عنيّة.
    شافت بنات تقولي ورد في مزهرية.
    إيش أحمر وإيش أخضر وبرتقالية.
    الوجيه ماتنعرف بنت مين هية.
    العيون عدسات ملونة عسلية.
    يا زرقة أوخضرة أوموفية.
    وعليها ألوان الطيف بالوقية.

    والرموش من طولها كأنها مكانس يدوية.
    والحواجب منتوفة أو مسواية شيطانية.
    والشعر نصه توصيلة ونصه خروق محشية.
    يعني يعني من طوله الباقي خصل على الظهر مرمية.

    الوجه مغطى بطبقة بودرة أندنوسية .
    وأحمر الخدود ملطوع كأنه وردة جورية.
    بالصراحة ماعرفت لهم ملامح بشرية.
    قلت أعصر عليهم مزرعة ليمون مستوية.

    قربت من بنات وسألت وحدة كأنها جنية.
    إنتم مخطوبين ولا متجوزين يابنية.؟؟!!
    رجت القاعة بضحكتها الغجرية.
    وقالت لي:لا ياخالة ..عندك عريس ليا.
    الحقيني بيه وسيبي هادول العربجية.
    أنا لا أبغى أكمل دراسة ولا أدخل كلية.
    أبغى أتجوز وأتستت وأعيش عيشة هنية.

    صنيت في مكاني ...إيش هادي البلية.
    إشبهم بعض البنات رفعوا برقع الحيّا والمزية.
    تحسب الوحدة كل موضة لازم تطبقها ولاصارت من العصور الجاهلية.
    تطلع زينة تطلع شينة المهم ينقال عنها بنت كووول عصرية.
    أخذت بعضي ومشيت وأنا أقول: تحرم عليّ.

    وأنا ماشية لمحت بنت في الفجرية.
    وجهها تقولي قمر ليلة البدرية.
    جلست جنبها أسألها تجاوبني بكل أدب وروية.
    دخلت مزاجي وقلت في نفسي : هية هية.
    وإحنا بنتكلم جات بنت صغيرة جلست على الكرسي مستحية.

    قالت لها بصوت ناعم : أبغى حلاوة سمّسمّية.
    قلت لها: هادي أختك المهلبية.
    قالت: لا ..هادي بنتي الوسطانية .
    قلت: ماشاء الله بنتك حلوة وسكرية.
    وقمّت والخيبة على وجهي مدارية.
    وأنا أقول: خيرها في غيرها المرّة الجية.
    وضاعت الليلة وأنا أدور ألين الصبحية.
    وخرجت من الزواج من غير نتيجة مرضية.

    ثاني يوم دقت عليّ التلفون بنت خالتي نجية.
    قالت لي : مادّريتي عن إستيتة زهية؟!.
    ماتت البارح بشرقت وصلة حلاوة طحينية.
    قلت لها: ووووه يا ندامة كانت شمعة مضوّية.
    بكرة وخير أروح العزى بعد المغربية .

    لبست القنعة ورحت للواجب وفي نفسي متمنية.
    ألقى لولدي العروسة إللي في بالية متخبية.
    ومن بعد صف العزى لقيت كنبة مدارية.
    جلست عليها أشوف الرايحة والجية .
    وعينك ماتشوف إلا النور ياعنية.

    إللي حاطة مكياج خفيف وحمرة بنبية.
    وإللى حاطة عدسات ملونة ورموش إصطناعية.
    وكأنهم في حفلة أوعزيمة بمغنية.
    لا في إحترام لمشاعر أهل الميت في مصيبتهم القوية.
    قلت في نفسي:
    حتى في الموت ماسلمت الوجيه من الزخارف الإسلامية.
    جلست في مكاني ومرت عليّ ساعة زمنية.
    وأنا أستغفر رب البرية.


    وخرجت وأنا أقول:
    يامين يدلني على أصحاب الوجيه الطبيعية.


    توضيح بعض الكلمات:

    المهية: الراتب.
    أتستت: أجلس سيدة في منزلي.
    صنيت: وقفة صمت بحيرة.
    البلية: المصيبة.
    الين: حتى.
    القنعة: العباءة.
    إستيتة: تقال للأكبر سناَ.









     
  2. THAMIR

    THAMIR تاجر مميز

    إنضم إلينا في:
    ‏14 أكتوبر 2009
    المشاركات:
    464
    الإعجابات المتلقاة:
    0
    يسلمؤؤؤؤؤؤؤؤؤؤ
     
  3. عفرااااااء

    عفرااااااء تاجر مميز

    إنضم إلينا في:
    ‏18 يوليو 2010
    المشاركات:
    728
    الإعجابات المتلقاة:
    0
    ههههههههههههههههههههه يسلمووووو
     
  4. شيهانه مكه

    شيهانه مكه $استغفر الله العظيم$

    إنضم إلينا في:
    ‏9 فبراير 2009
    المشاركات:
    2,522
    الإعجابات المتلقاة:
    0
    كلام ميه ميه
    والله يهدي بنات اليوم
     
  5. دار المعالي

    دار المعالي تاجر مميز

    إنضم إلينا في:
    ‏8 أغسطس 2010
    المشاركات:
    356
    الإعجابات المتلقاة:
    0

    ههههههههههههههههههههههههههههههههه
     
  6. KHALID400

    KHALID400 تاجر مميز

    إنضم إلينا في:
    ‏10 يونيو 2010
    المشاركات:
    150
    الإعجابات المتلقاة:
    0
    ههههه
    فعلا هذا اللي حاصل
    مجتمع منغلق عشان تدور على عروسة اما في فرح او ميتم .
     
  7. ام ريتاج/سوسو

    ام ريتاج/سوسو تاجر مميز

    إنضم إلينا في:
    ‏16 أغسطس 2010
    المشاركات:
    114
    الإعجابات المتلقاة:
    0
    ههههههههههههه صدقتي بنات هذا الزمن الله يهديهم بس
     
  8. ريشة في يد فنان

    ريشة في يد فنان تاجر

    إنضم إلينا في:
    ‏5 يوليو 2010
    المشاركات:
    13
    الإعجابات المتلقاة:
    0
    سلمتي يالغلا من جد هذا اللي الحاصل في مجتمعاتنا الاسلامية
     
  9. تاجرة مكة

    تاجرة مكة _moonstyle

    إنضم إلينا في:
    ‏24 يونيو 2009
    المشاركات:
    6,609
    الإعجابات المتلقاة:
    0
    الوظيفة:
    0508614503
    الإقامة:
    0508614503
    هههههههههههههههههه
    صح لساانك وويسلم فمك
    كلاام ووصف حال البنات بذا الزمن الله يعين بس
     
  10. Lavita

    Lavita تاجر مميز

    إنضم إلينا في:
    ‏21 سبتمبر 2009
    المشاركات:
    978
    الإعجابات المتلقاة:
    0
    ههههههههههههههههه حلوة وتحكي الواقع اللي حاصل
     
  11. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    ربي يسعدك في الصبحية الحلوة زي ما اسعدتنا

    وزي ماقال المسل احتارت المقينة في الوجه الغلس
    الحلو حلو ولو قام من النوم والوحش وحش لو غسل وجه كل يوم

    بنات اليومين هادي وبدون زعل
    ربي يهديهم ليل نهار وهم في المحلات المكياج والكوفيرات ووووو
    ليش قد كدة منتو حلوين يعني

    يعني اقل مناسبة تجي لو جواز مسلا
    تلاقيها قبل المناسبة باسبوعين تلاتة في السوق تدور على فستان
    واسبوع عزك الله على جزمة وشنطة ومكياج
    و7 ساعات قبل الجواز في الكوفيرة
    وساعتين علبال ما تلبس
    واللي تجلسها في الجواز يادوب 4 ساعات على بعض
    وبعدين لمن يروحو الفرح كل وحدة توايق للتانية وهادي ايش لابسة وهديك ايش مسوية في عمرها
    وحش ليوم الحش
    ماتسيبو الناس في حالهم وكل مين يلبس على كيفه
    ازا ما عندي فستان مني رايحة جواز
    وازا ما وديتني كوفيرة مني رايحة
    وازا وازا
    ياستي انطقي في البيت والله محد دري عنك جيتي والا ما جيتي

    اللي بيخطب اليومين هادي صعب يلاقي طلبه
    واللي حابب يعرف السبب يسأل البنات
     
  12. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    يسلم غاليك
    يديم سعدك

    آمين وتسلم طلتك

    يديم ضحكتك
    مسااااااااااااااااكين رجعيين يدوروا في فرح والا عزا على قولك

    طيب تركنا لكم البحث في البلاج والنايت والأسواق

    آمين
    وتسلم طلتك
     
  13. الطموح

    الطموح تاجر محترف

    إنضم إلينا في:
    ‏19 مايو 2010
    المشاركات:
    1,244
    الإعجابات المتلقاة:
    0
    لمن قريته حسيت اني مكاوي هههههههه

    كلااااااااام مرره حلو وجميل
     
  14. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    الله يسلمك

    شاكر مرورك

    ياستي هذا من اللي نشوفه اليومين هذي

    لكن الله يهديهم ويكملهم بدينهم وعقلهم



    الله يحلي أيامك

    وتسلم طلتك
     
  15. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    آمين

    وربي يسعدك في كل أيامك

    سلمت أناملك اخي الدهليز

    وكل ما كتبته صحيح ميه في الميه

    وفيه لسع أمور ثانية الله لا يورينا هيه

    تسلم طلتك
     
جاري تحميل الصفحة...
المواضيع المشابهة التاريخ
أثاث المنزل ام جهاااد ‏الجمعة في 22:00
خدمات تراخيص شركة سي ام تريدينج cmtrading ‏الخميس في 12:20
خدمات تحليل السوق يورو دولار شركة سي ام تريدينج CMTRADING ‏الأربعاء في 13:28
اكسسوارات ابتدئي مشروعك الخاص من عندنا باقل الاسعار متجر ام منى للتواصل واتس اب 0558467303 ‏13 نوفمبر 2016
خدمات بوفيهات ام ماهر مكة ‏8 نوفمبر 2016

مشاركة هذه الصفحة