1. مرحبا بكم في أسواق ستي أكبر المواقع التجارية شعبية
    إستبعاد الملاحظة

مكائن خياطة او قواطي كلها واحد

الكاتب: s0505, بتاريخ ‏16 ابريل 2009.

  1. s0505

    s0505 تاجر محترف

    إنضم إلينا في:
    ‏5 ابريل 2009
    المشاركات:
    2,537
    الإعجابات المتلقاة:
    0
    <CENTER>قصة مكعيل والقواطي - شر البلية ما يضحك</CENTER>


    <!-- google_ad_section_start -->
    مكعيل هذا رجل بسيط في قرية ما.......؟ في هذه القريه
    الناس هناك مسوين بسطات حول التجمعات والجوامع ويبيعون فيها خردوات وحاجات وسلع متنوعة وبسيطة
    السيد مكعيل صف معاهم وحط بسطه مافيها شي .. ما غير علبتين مليانه تراب "قواطي متربه" ..!
    الناس تروح وتجي وتبيع وتشتيري وذا مكعيل كل يوم قاعد قدام ذا العلب ..
    لا هو راضي يغير النشاط ولا احد حاول يشتري منه شي ..
    هاك اليوم جا رجل .. وعطف عليه ،
    قال له : مكعيل .. وش تبيع ؟
    قال : علب "قواطي" قديمة ..
    قال الرجل : وش فيها ؟ قال مكعيل : تراب ..!!

    الصدق منجاة .. عطاه اياه على بلاطه .. يقول : فيها تراب
    يعني بالعقل .. العلب من الشارع والتراب بالشارع ..

    اندهش الرجل ..!
    قال : طيب اللي يشتريها وش يستفيد ؟
    قال مكعيل : لو ما حد شراها منك انا اشتريها ..!
    استغرب اكثرالرجل وقال : والله هالمسيكين ما عنده غير هالعلبتين ..
    قال له : بكم هالعلبتين اللي لها سنه عندك ما حد شراها ؟
    قال مكعيل : الوحده بريال ..
    قال الرجل وهذي ريالين .. يالله هاتهم ..
    اخذها وراح البيت ونطلها يمين الباب قبل لا يدخل بيته ..

    وتوه ما قعد والا الباب يطق : طقطق طق .. طقطق طق ..
    بغى ينكسر الباب .. قام الرجال مفزوع وفتح الباب بسرعة .. الا مكعيل واقف ومعه حصاة بغى يهبد بها الباب لو ما فتح ...

    قال الرجل: شفيك .. شفيك .. خير .. عسى ما شر ..
    قال مكعيل : العلب اللي شريتها مني ... ، قال الرجل : شفيهم ؟
    قال مكعيل : عندك ؟
    ناظر الرجل يسار الباب .. شافها منطوله .. قال : ايه .. موجوده
    قال مكعيل : تبيعها ؟

    اندهش الرجل وفغر فاه .. قال : انا الحين مسوي فيك خير ومخلصك منها ..
    تجي تشتري ثانية .! والله ما تلقى احد ياخذها منك بعدي ..

    قال مكعيل : اخلص علي .. ابعطيك فيها ربح بس تكفى بعني اياها ..
    قال الرجل : وبكم تشتريها ؟
    قال مكعيل : بخمسة ريال ..!!!
    جن جنون الرجل : وقال يعني دبل السعر وزيادة ..
    قال : نعم واذا تبي زود عطيتك بس تكفى جبهم لي ..
    قال : الرجل : لا لا كذا كفايه تفضل
    حط الخمسة بجيبة ومكعيل اخذ العلبتين وروح ..

    يوم جا العصر والا هالرجال الطيب معلم جيرانه كلهم عن مكعيل وسوق مكعيل ..

    قال لهم : مكعيل هذا يبيع قواطي ولو ما حد شراها منك يجي هو بنفسه ويشتريها منك بدبل السعر ..

    اندهش الجميع وبدأ سوق مكعيل يثير فضول الجميع حتى التجار الشطار ..

    جوا عنده اليوم الثاني والا هو صاف له 20 قوطي ومعبيهم تراب ...
    الناس تطاقوا عنده .. كل واحد يبي يلحق له اكبر كمية قبل غيره ..
    بكم يامكعيل ؟ قال : العلبة بخمسة ..!
    ما كمل كلمته والا العالم ساحبين كل المعروض ..
    اللي لحق علبتين واللي لحق علبه واللي ما لحق شي لانتهاء المعروض على البسطه ...
    وما امداهم يدخلون بيوتهم والا مكعيل يطق عليهم الباب : طقطق طق ..
    ويطلب منهم شراء القواطي بضعف قيمتها .. يعني العلبة بعشرة .. !!!!!
    انتشر خبر مكعيل وسوقه ،
    ويقوم مكعيل هاك الليلة ويدور بالديرة كلها ما خلى جرف ولا دحديره في القرية الا فتش فيها عن قواطي قديمة ..
    ادخلها بسطته بدون علاوة اصدار حتى ..

    وعباها تراب وبسط فيها اليوم الثاني

    صار اليوم هذا يوم جمعه .. يوم كثرة الناس واجتماعهم وتسوقهم ،
    وهاليوم تحديدا جو الناس وهم متزهلين بالكاش طمعا في سوق مكعيل .
    اللي باع ماشيته والا باع بسطته اللي تدخل عليه ذهب واللي باع منزله .

    المهم كلهم وعقب صلاة الظهر اجتمعوا على بسطة مكعيل دون غيره وخلو السوق خاوي على عروشه ، وياتلحق يا ما تلحق

    وتكفى يا مكعيل ، وبكم يامكعيل ؟ : قال العلبة بـ 95ريال ...!!!!!!!!
    ما كمل كلمتة والا البسطة باللي عليها ممسوحه مسح ..

    حتى اللي مالحق باقي مسوي زحمة ومطلع دراهم يبي يذبها على الرجال ..
    وهو يقول : خلاص .. خلاااااص مافيش .. مافيش .. تعالوا بكره .. وتجمعت الطلبات ولكن بدون عروض ..
    وبعضهم زاود بعض في القواطي اللي عنده بعشرة وعشرين طمعا في تدبيلة مكعيل ..

    عقب هالطقاق وراتفاع اسعار القواطي الفارغة او المليانة تراب الى ارقام فلكية وغير منطقية
    جا اليوم الثاني والثالث والرابع ما جا مكعيل ..
    طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركه .

    راحوا اصحاب القواطي عنده .. قالوا شفيك .. عسى ما شر ما عاد جيت البسطة ولا عاد شريت
    ولا شريت .. ولا .. ولا شريت يعني ..!!!!!!!! عسى ما شر .

    قال : صحيح .. صحيح .. والله انا غيرت النشاط ...!!!!!!!!!
    ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!

    صعق الجميع .. وعادوا الى قواطيهم لعلهم يجدون بداخلها ما يمنحهم شيء من الصبر
    او يتعوضون به عن ما لحقهم من خسائر ..
    فتحوها واذا هي مملوءه بالترااااااااااااب ... !!!!!!!!!!!!
    فصار بعضهم يعرضها على بعض بنصف المشترى ..
    اللي جوا في الاخير قالوا : يالله هات ، ويوم نشبت في حلوقهم عرضوها بنصف مشتراهم
    وصارت ذا العلب مثل الجمرة في يد احدهم ويحاول يرميها على الثاني بأي شكل ،

    وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خساره محظه ..

    المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!

    معقولة نشتري علبة مصدية وما فيها غير تراب بما يعادل قيمة بقره حلوب ..؟!!!!!!!!

    وهالحين .. يعني هالحين حنا يوم نشوف هالمكاين ماتوى شيء في الماضي والحين بعشرات الالاف و مالقينا في بطنه ولا تراب حتى ؟ وش السواة فيه ؟؟
    يعني التراب ينفع للبناء مثلا ..

    وينك يا مكعيل تجي تشتري ما بعته علينا ولو بأقل بنصف التكلفة ..
    ههههههههههههههه .. هذا حالنا مع الاشاعات.. سوق مكعيل ..

    السؤال اللي يسدح نفسه : من هو الذي وصلنا هالمواصيل ؟




    ( منقول )


    [​IMG] [​IMG] [​IMG]
    <!-- google_ad_section_end -->
     
  2. rmz

    rmz تاجر مميز

    إنضم إلينا في:
    ‏11 مارس 2009
    المشاركات:
    931
    الإعجابات المتلقاة:
    0
    كلام معقول وزي ماصر في سوق الاسهم.
    تحياتي.
     
  3. s0505

    s0505 تاجر محترف

    إنضم إلينا في:
    ‏5 ابريل 2009
    المشاركات:
    2,537
    الإعجابات المتلقاة:
    0
    اشكر مرورك
     
  4. M Z O O 7

    M Z O O 7 تاجر

    إنضم إلينا في:
    ‏14 ابريل 2009
    المشاركات:
    4
    الإعجابات المتلقاة:
    0
    سلم لي على اللي ضحك عليهم :d ..
     
  5. لبوه السلطان

    لبوه السلطان تاجر مميز

    إنضم إلينا في:
    ‏27 نوفمبر 2008
    المشاركات:
    986
    الإعجابات المتلقاة:
    0
    الإقامة:
    ...
    هههههههههههههههههههههههه
    اي والله ان مكيعل حكمه....
     
جاري تحميل الصفحة...
المواضيع المشابهة التاريخ
اكسسوارات نظارة برادا Prada .. فوشيه كلها انوثة من لاروز ‏14 نوفمبر 2016
اكسسوارات نظارة دولسي اند جابانا Dolce & Gabbana .. كلها انوثة من لاروز ‏13 نوفمبر 2016
خدمات ❥حراج واحد❥ ‏6 نوفمبر 2016
اكسسوارات نظارة دولسي اند جابانا Dolce & Gabbana .. كلها رقة من لاروز ‏19 أكتوبر 2016
الالكترونيات مكائن بيع منتجات و مكائن مشروبات ساخنة ‏17 أكتوبر 2016

مشاركة هذه الصفحة