معرض كيكا في الظهران من زاره فيكم ؟

حبيت أسال عن معرض كيكا الجديد في الظهران وش يبيع وهل هو مثل إيكيا لأني بصراحة ما زرته كل أسبوع أقول بروح اشوف وش القصة لكن ما ألقى وقت .

وش رايكم فيه هل يستحق الزيارة ولا لا :d

 

اتمنى من الاخوان يفيدوك لاني بصراحه مازرته

 

مثل ايكيا نسبيا

لكن كمية المعروض اتوقع اكثر وحلو الاثاث عندهم

بس اهم شي تاخذ القطع كاملة لانهم حمقى <<<حلوه صح

مايحطونها كامله ويماطلونك اسبوع الين يجيبون اللي تبيه

خلهم يركبونها هم بانفسهم احسن

 

والله يا اخي الحمقى ليس كيكا
لكن الحمقى هم (نحن) اللي عطيناهم وجه واشترينا منهم

ترى والله اسعااااارهم مررررررررة مبالغ فيها ولا يغركم تشوفونه نظيف وممتاز تراه كله شهر - شهرين وترمي اغراضك

لكن ايكيا بحق جودة تستحق الاهتمام

 

ما عندهم سالفه .

 

أثاث ضعيف الجودة

 

انا زرته صرااحه حلو لكن مبالغ في اسعاره بشكل خيالي وماهو ذيك الجوده
لكن ايكيا غييييييييييييييير من جد غير ..

 

حبيبتي كيكا اعلن خسارته الكبيره بشرقيه وراح يصك قريب على ماسمعت..

 

ماادري عن الاثاث بس الكماليات مررره حلوه وكل شي عندهم للبيت بس غااااااااااااالي

 

انا زرتا بصراحه عجبني عنده عروضات حلوووووووووووه انصحك اتزوره يمكن يعجبك بس اغلب العروضات
مشت بس فيه على النهايه والله يوفقك يارب

 

بصراحة خسرااااااااااااان لان بضاعته اسعاره مبالغ فيها مومثل ايكيا جودة عالية وقيمته فيه وعلى مااظن انه مسوي تخفيضات 80% والناس ماصدقوا طاروا للمحل وقريب يقفلونه

 

تبي تشتري منه روح هالفتره لانها فترة تصفيه
بيقفلوا المحل خلال ايام معدوده
وذلك بسبب ايكيا الذي سبب له الاعدام من غير رحمه

اللله يرزق الجميع

 

المحل فشل في السعوديه وراح يقفل شهر 7
والحين مسوين تصفيه 80 % والي يشتري شي في هذه الفتره يقوله ان لايرجعه ولا يستبدله وهم ماراح يوصلو شي ولا راح يركبو شي
فاشل من اول مافتح لانه مبالغ في الاسعار
وايكيا اعطاه ظربه قويه هههههههههههههههههه
موفقين

 

بصراحه اروع واجمل محل اثاث زرته في حياتي فخااااااااااااااامه وديكورات ماشفت زيها على كثر مالفيت محلات اثاث في الخليج والله ماشفت زيه
لكن عيبه غالي واسعار مبالغ فيها ........
بس وقت التخفيضات روحي خذي منه ببلاش