1. مرحبا بكم في أسواق ستي أكبر المواقع التجارية شعبية
    إستبعاد الملاحظة

أمين جدة وأهلها

الكاتب: شرواك, بتاريخ ‏30 يناير 2009.

  1. شرواك

    شرواك تاجر مميز

    إنضم إلينا في:
    ‏15 يوليو 2008
    المشاركات:
    144
    الإعجابات المتلقاة:
    0
    الإقامة:
    جدة ( 0505616795 )
    أمين جدة وأهلها

    رسايل كتيير جتني من الحبايب يطلبوا مني إني أقولهم فزورة عشان يحلوها غاوييين شقى وتعب المهم أنا ح اعطيهم الفزورة والله يعينهم على حلها هيا خلو بالكم وركزوا «سبحان من سواني سبحانه، شكلي غريب اثنين الوانه، مدور او طويل ياجماله، وقلبي ابيض يامحلى بياضه، بس ياخساره الزين ما تكمل حلاته، الكتيير يبعد عني يا غباته، بعد اكلي يقولوا ياشين هرجه وجمعاته، فمن انا».
    ودحين خلونا نعرج على موضوعنا حق اليوم أول شي قبل ما أدخل في هرجتي أحب أبارك لأمين جدة عادل فقيه على الثقة الملكية والتمديد واسأل الله سبحانه وتعالى انه يعينه ويوفقه على خدمة جده واهلها وتاني شي أحب أفكره بإني في تاريخ 15/3/1426 كتبت مقال اسمه (حبيبنا عادل فقيه) وشرحت فيه كل المطالب والأمنيات اللي يبغوها أهل جده من أمانة جده وارجع تاني اليوم بعد اربع سنوات أكرر نفس الكلام بلسان أهالي جدة واقول لأمينها ترى جدة العروسة صارت عجوزة وجاتها الأمراض في كل شبر فيها، شوارعها مبهدله سواء الرئيسة او جووة الاحياء مطبات وحفر اشكال والوان واللي ماسكين مشاريع السفلتة شغالين فيها ترقيع في ترقيع عالم كل شغلهم (( طبطب وليس يطلع كويس )) وياريت كمان يكون في رقابة على سيارات الرش لانه الناموس ما قصر مصمص دميان الأوادم وخاصة سكان شرق الخط السريع هدا غير القمايم اللي مرمية لانه عمال النظافة مو فاضيين يا تلاقيهم بيشحتوا عند الاشارات والا بيلملموا العلب الفاضية والكراتين وتاركين القمايم مشعتره في كل مكان وياريت كمان يكون في مراقبه على اصحاب العماير اللي بيرموا ويتركوا مخلفات عمايرهم في كل شارع وزقاق وياريت كمان تفتحوا باب منح الاراضي لاهالي جده طالما اكتشفتوا انه في 60 مليون متر مربع من الاراضي الحكومية كان متعدي عليها وياريت كمان يكون في جولات جوية شهرية يقوم بيها بعض المراقبين والمسؤولين في الامانه عشان يشوفوا كيف حال جدة من الجو ولا ننسى كمان انه لازم يكون في جولات للمراقبين بسيارتهم عشان يبلغوا أول باول على كل المخالفات والتجاوزات اللي بتصير وياريت كمان يكون عندنا حدايق عامة بمساحات كبيره في الاحياء السكنية عشان الاهالي يقدروا يقضوا أوقاتهم فيها ولا ننسى إنه لازم يكون في هادي الحدايق كل المتطلبات اللي يحتاجها البني ادم من اماكن للجلوس وألعاب للاطفال ودورات مياه للحريم والرجال ومصلى وتكون فيها اماكن مخصصة لممارسة رياضة المشي اللي كترت هادي الايام بين سكان جده وياريت كمان يكون في مراقبة على اصحاب العماير اللي بيزيدوا ادوار عمايرهم من غير احم ولا دستور واهم شي من كل الكلام ده اللي قلته ياريت نقضي على الفساد الاداري في بعض قطاعات الامانه هادي مطالب اهل جده يا امينها وانت أدرى وأبخص وعيشوا كتييير تشوفوا كتييييير

    فتحي حلواني
     
  2. شرواك

    شرواك تاجر مميز

    إنضم إلينا في:
    ‏15 يوليو 2008
    المشاركات:
    144
    الإعجابات المتلقاة:
    0
    الإقامة:
    جدة ( 0505616795 )
    اللي دايخ يرفع يده
    أضحكني تصريح المشرف على إدارة المشاريع في أمانة جدة حين حمل خمس جهات مسؤولية تعطيل مشاريع أنفاق وجسور بمليار ريال..وأن المشكلة في الحصول على معلومات غير دقيقة من الإدارات ذات الاختصاص حول تمديدات الخدمات، مما تسبب في تأخير عدد من المشروعات حيث لا تتضح أهمية تلك المعلومة إلا عند البدء في تصميم المشاريع حدث هذا مع تأكيد بعض الردود خلو المناطق من الخدمات، وتم تصميم المشاريع على هذا الأساس، وسلمت المواقع للمقاولين، وعند التنفيذ ظهرت مسارات تلك الخدمات في هذه المواقع، مما اضطرت الأمانة لإيقاف المشروع بعد أن تم إغلاق الطريق وحفر الموقع.
    وهذا مايفسر لنا أن جدة تحولت إلى متاهة، تدور في داخلها كي تصل من نقطة لأخرى في زمن طويل بسبب وجود تلك المشاريع الواقفة أو المعطلة .
    وهذا يعني أن مشاريعنا جميلة عند التنظير وعندما تصل إلى أرض الواقع تتعطل بسبب الافتقار إلى المعلومة .
    وكم من مرة أشرنا الى أن ثورة المعلومات لدينا لم يكن لها وجود وأن أجهزة الكمبيوتر وشبكات النت تواجدت كشكل ديكوري بحت ولم يكن لها دور في تسريع العمليات المرتبطة بالتنمية ..وفي أحسن الأحوال تحولت تلك الأجهزة إلى إرشيف ومع وجود هذا الارشيف ظلت المعلومة ناقصة أو غائبة.
    وإذا كانت الأمانة تشتكي من غياب المعلومة مما أدى إلى تعطيل مشاريعها، فهي أيضا تغيب المعلومة في جوانب مختلفة يحتاجها المواطن وعلى سبيل المثال لهذا التغيب الذي تقوم به الأمانة تغييب أسماء الأحياء والمخططات الجديدة التي أدى عدم تسميتها إلى شكوى العقاريين وموات أو تباطؤ النشاط العقاري.
    وهذا التصريح الذي يؤكد تعطل مشروع بمليار ريال لغياب المعلومة كان الأجدى بالأمانة عدم الاكتفاء بالمكاتبات بل الأمر يستوجب مجالسة الادارات الخمس للتيقن من مسار الخدمات، والخبر يحمل أيضا أن الأمانة استلمت بعض الردود مما يعني أنها لم تستلم ردودا كاملة من جميع الجهات وهو تقصير من قبل الأمانة وليس حجة لها.
    والذي يعنينا من هذا كله متى تستقيم شوارع جدة وماهي الفترة الزمنية لانتهاء المشاريع القائمة والتي وعدتنا الأمانة أن بعضها لن يطول عمره طويلا بينما واقع الحال ان هناك مشاريع طاف بها وعد الانتهاء منها..على فكرة نحن نطوف جدة بسبب إغلاق الشوارع والتحويلات التي تعيدك لنفس النقطة.
    كما نتمنى أن لايكون غياب المعلومة سببا في إبقاء شوارع جدة متاهة لاختبار مقدرتنا على أننا كائنات لاتصيبها الدوخة .
    واللي دايخ يرفع يده..

    عبده خال
     
جاري تحميل الصفحة...
المواضيع المشابهة التاريخ
مواد غذائية خاص لأهل جدة وماجاورها ‏25 نوفمبر 2016
خدمات واجهات كلادينج جدة | تركيب كلادينج جدة | كلادينج جدة ‏22 نوفمبر 2016
خدمات خدمات الاستشارات الهندسية وامانه جدة ‏19 أكتوبر 2016
تأجير مستودع للايجار في جدة ‏17 أكتوبر 2016
خدمات مدرب قدرات(0568886106)(جدة) ‏7 أكتوبر 2016

مشاركة هذه الصفحة